Викендов ќе се одигра 230-то Дерби дела Мадонина, во кое Интер е домаќин на Милан. Интер сака да ја зголеми предноста од четири бода во однос на Милан на врвот на табелата во Серија А, а Милан ќе се обиде да се доближи до ривалот и до еден бод.
Неверојатен пресврт во среќата има кај двете екипи од последното миланско дерби одиграно во Ноември. Тој меч заврши 1:1, а тогаш Милан беше пред Интер на табелата. Сега домаќинот го гледа гратскиот ривал од лидерското место.
Интер го чува врвот
По нивното реми 1:1 во првиот сезонски натпревар, Интер почна да гази во буквална смисла на зборот. Од тој меч, Интер славеше на девет од 10-те меча во Серија А, а оној десеттиот заврши нерешено и тоа против Аталанта.
Не само тоа, туку додека Нероаѕурите напредуваа во Лигата на Шампионите, нивните соседи целосно го напуштија континенталното натпреварување и сега сино-црната страна на градот повторно е доминантна.
Последен пат пред репрезентативната пауза, доцниот гол на Един Џеко против Венеција го оддалечи Интер од Милан и Наполи во трката за титулата и исто така докажа дека тимот на Симоне Инзаги може да победи и кога не е во најдоброто светло.
Нивната победа од 2:1 над Венеција значи дека шампионите сега се непоразени во 28 домашни натпревари во Серија А – победувајќи 25 пати во текот на тој спектакуларен период – а нивниот последен пораз во лигата на Меаца доаѓа во октомври 2020 година и тоа токму од Милан.
Милан во слаба форма
Во седумте првенствени натпревари од нивниот втор пораз од тимот на Јирген Клоп во Ноември, недоследноста ја наруши играта на Милан. Тие паднаа на табелата, почнаа со порази, а со тоа падна и моралот на тимот.
Нивните најнови неуспеси дојдоа со шокантен пораз на домашен терен од Специја, по што следеше невнимателно реми во пресметката со Јувентус на крајот на минатиот месец.
Како и да е, ремито без голови на домашен терен против „бјанконерите“ ги држи избраниците на Стефано Пиоли на допирна оддалеченост од првото место, а победа над Интер дури би ги донела до бод од првото место.
Неуспехот на Милан да потпише централен бек за да ја покрие повредата на главниот дефанзивец Симон Кјаер и постојаните фитнес грижи на Фикајо Томори, може да им се удри во глава, особено на мечевите како овој со Интер.
Be the first to comment