На стадионот Муниципал во Ботошани, истоимениот домашен тим ќе ја нагости Шкендија. Македонскиот тим патува во Романија со амбиции да слави победа, но домаќинот е квалитетен тим и фаворит според букмејкерите.
Ботошани не е баук, но има голем квалитет
Ботошани е екипа која во последните години постојано напредува, а излезот во Европа за нив претставува сериозен успех. Не играат често во Европа, но сакаат да бидат постојани претставници на својата земја во наредните години. Нивниот газда е голем фудбалски фан и постојано е близу тренерот и фудбаерите, но на позитивен начин, без гоем притисок. Токму тој имаше една изјава по жребот кога ја добија Шкендија, велејќи дека го добија најлесниот ривал. Можеби се залета со изјавата, но тој е цеосно уверен во пласманот во следното коло и покрај тоа што тренерот имаше спротивна изјава. Тој пак најави дека Ботошани не е фаворит и шансите се 50:50 без разлика што мечот ќе се игра во Романија. Минатото коло Ботошани славеше на гости кај Ордабаси во Казакстан со 1:2, но не беше супериорен и мора да се каже дека имаа и среќа во неколку наврати.
Со Ашковски и Бабунски против Шкендија
Ботошани заврши на третото место минатата сезона во регуларниот дел и на 4-то во разигрувањето за излез во Европа. Сезонава пак по три меча се на второто место со две стартни победи и реми минатиот викенд против Динамо Букурешт. Тимот е составен од проверени домашни фудбалери и многу интернационалци. За нас, интересно е тоа што двајца македонци играат во оваа екипа и тоа крилниот офанзивец Ашковски, како и своевремено големата надеж на македонскиот фудбал Давид Бабунски во средината. На овој меч, Ашковски би требало да стартува од првата минута, а Бабунски веројатно шансата ќе ја чека од клупата за резерви. Големо внимание Шкендија ќе треба да посвети на германскиот напаѓач Офусу, како и на аргентинецот од средниот ред Џонатан Родригез.
Шкендија има квалитет за изненадување
Шкендија секако е најквалитетниот тим во Македонија според играчкиот кадар во моментов. Воедно, тие веќе имаат големо искуство во Европа и се редовни учесници во Лигата на Европа или Лигата на Шампиони уште од 2013 година. Моментално се први на табелата во Првата Лига со три победи и две ремија и се главни фаворити за титулата. Минатото коло славеа на гости во Азербејџан кај Сигмунт со два гола од пенал, но и без тоа беа далеку подобар тим од домаќинот. Немаа среќа, па повторно ќе играат на гости но со Ибраими, Алими и Дориев, дефинитивно имаат квалитет да одиграат на високо ниво и во Романија. Дополнителен мотив е тоа што ако минат во слендото коло ќе го нагостат Тотенхем на Мурињо кој се очекува лесно да го мине Локомотив Пловдив.
Be the first to comment