Стартува СЕРИЈА А – Милан е силен, но Јувентус повторно е фаворит

Викендов стартува новата сезона во италијанската Серија А, а доколку судиме според летниот трансфер период можеме да очекуваме една доста интересна и неизвесна сезона, нешто што не беше случај послените неколку години кога Јувентус на убедлив начин ги освојуваше скудетата.

Милан значително се засили, но премногу е рано за титула

Најчестото прашање кое е поврзано со италјанскиот фудбал пред стартот на сезоната е дали Милан ќе ја освои титулата. Слободно би одговориле со категорично “НЕ”, но големите инвестиции на Росонерите и фудбалерите кои тие ги донесоа во Серија А, може да донесе само позитивни работи и дефинитивно поинтересна сезона з аразлика од минатите неколку години.

Трансферот на Бонучи од Јувентус во Милан е еден од најголемите ова лето во европски рамки, а поранешниот фудбалер на Јуве ќе биде столбот на новоизградениот тим предводен од Виченцо Монтела. Италијанскиот гигант летово потроши околу 200 милиони евра за нови фудбалери и освен Бунучи ги доведе во своите редови и Андре Силва од Порто, одличните Конти и Кеси од Аталанта, Чалханоглу од Леверкузен, Мусачио од Виљареал, Родригез од Волфсбург, Бглија од Лацио и уште неколкумина помлади фудбалери.
Сепак факт е дека не може да се изгради тим за освојување на титулата преку ноќ, а фудбалските експерти и букмејкерите се сомневаат и во квалитетите на Монтела, потенцирајќи дека и покрај многуте засилувања на тимот, Милан сеуште не донесе ниту еден врвен голгетер што може да се одрази негативно врз резултатите.
Онлајн обложувалницата бет365 го стави Милан на третото место според коефииентот за освојување на титулата и доколку се обложите на овој тим ќе добиете коефициент 7.50. Во секој случај иако коефициентот е добар и може да привлече внимание, најдобро би било да го избегнете.

Јувентус и сезонава е главен фаворит

Минатата сезона имаше многу изненадувања во Серија А, во Топ 5 екипи завршија и одличните Аталанта и Лацио, покрај Јувентус, Рома и Наполи. Сезонава тешко дека ќе се случи такво нешто, Аталанта и Лацио се значително ослабени, а истото важи и за Фиорентина и Торино кој беа доста добри минатата сезона, па кругот се стеснува на Јувентус, Наполи, Милан, Рома и евентуално Интер како екипи со најголем квалитет, иако Лацио се надева дека во најмала рака ќе ја повтори одличната сезона и оваа година.
Јувентус е апсолутен фаворит според букмејкерите и за одбрана на титулата ќе добиете коефициент 1.66, со индиции да падне уште повеќе до почетокот на првото коло. Овој тим можеби го загуби Бонучи, но има добри замени во Меди Бенатија и Даниеле Ругани. Матија Де Шиљо кој дојде од Милан се врати од повредата и се очекува да биде големо засилување, а Јуве изгледа уште помоќен во офанзивата со ангажманот на Федерико Бернардески и Даглас Коста кои заедно со Дибала ќе ја сочинуваат офанзивната тројка пред најистурениот Гонзало Игуаин.

Фаворити од сенка

Кога ќе ја разгледате длабочината на тимот, тешко дека ќе најдете екипа која ќе може да му парира на Јуве во Серија А и да игра добро на повеќе фронтови, но дефинитивно најблиску до шампионот оваа сезона е Наполи. Тие завршија трети минатата сезона, а ако го погледнете распоредот на натпреварите на почетокот од оваа сезона ќе заклучите дека Наполи има најлесен распоред, па може да се очекува дека ќе биде на врвот по првите 4-5 натпревари.

Наполи не донесе ниту едно позначајно засилување, но најголем успех на тимот во преодниот рок е тоа што ги задржаа своите најдобри фудбалери, а Аркадиуш Милик кој беше повреден во поголемиот дел од минатата сезона полека но сигурно се враќа во својата препознатлива форма. Коефициентот за тоа дека Наполи ќе ја освои титулата во Серија А е 5.75 во бет365, што го прави втор фаворит според букмејкерите оваа сезона.

Интер сезонава најголемото засилување го доби на тренерската позиција, ангажирајќи го Лучано Спалети кој дојде од Рома, а кој веќе ги подобри перфомансите на екипата во текот на подготвителниот период. Дефинитивно Спалети е вистинскиот избор за овој тим, кој сега под негово водство конечно може да се надева дека ќе заврши на едно од првите 4 позиции на табелата. Проблем за Интер е тоа што тимот останува премногу зависен од Мауро Икарди, но со потпишувањето на Борја Валеро и Матијас Векино барем ја зацврстија стабилноста во средниот ред. Доколку мислите дека Интер ќе ја врати старата слава и ќе ја освои титулата би добиле коефициент 12.00, но шансите за такво нешто се сведени само на теорија.

Еузебио ди Франческо направи голема работа со тимот на Сасуло минатата сезона, кога наспроти сите очекување играше офанзивно на гол повеќе и сосем заслужено заверши на 12-то место. Сега Ди Франческо ја презеде Рома, но ќе има крајно тешка задача да го повтори успехот од минатата сезона на овој тим. Рома минатата сезона беше втора, но летово остана без некои од најдобрите фудбалери кои беа незаменливи како Салах и Рудигер. За освојување на титулата, на Рома и е доделен коефициент 11.00, што ја става на 4-то место според фаворитската улога.

Се на се ќе следиме една далеку поинтересна сезона за разлика од минатите години во Серија А. Јуве е фаворит, но многу блиску е Наполи, а не смеат да се потценат ниту миланските екипи, како и секогаш незгодната Рома, иако оваа екипа е значително ослабена.