Тип на денот, најчесто е обезбеден за фудбалски натпревари, но овој пат поради слабата фудбалска програма одбравме меч од хокеј лигата на Финска.Во понеделник стартуваат ¼ финалните натпревари во најдобрата финска хокеарска лига.
Тапара е домаќин на Луко и е голем фаворит за победа, поради мал милион причини а во продолжение ќе објасниме зошто.
Тапара е голем фаворит
Тапара регуларниот дел од сезоната го заврши на лидерското место на табелата. Екипата имаше неверојатна сезона и по 60 натпревари забележа 40 победи и 20 порази, со одлична гол разлика од 188 дадени и 120 примени гола. Со оглед на добрата позиција оезбедија директен пласман во ¼ финалето и мирно го очекуваа својот противник.
Последниот меч го одиграа на 22-ри месецов и имаа доволно време за одмор. Сега се свежи и тоа е голем плус за нив пред овој меч. Тапара за разлика од останатите фаворити за трофејот е составена претежно од домашни хокеари, а број еден во тимот е напаѓачот Антон Левтчи кој сезонава го доби и првиот повик за националниот тим. Освен овој, имаат уште неколку хокеари кои без сомнение се кадарни за тгрофејот и од таа гледна точка, оваа препрека во името на Луко не смее да биде голем проблем за нив.
Хокеарите на Луко среќни, но преморени
Она што беше предност за домаќинот – свежината, тоа е проблем за Луко. Оваа екипа одигра 16 натпревари во 30 дена, почесто од која било друга екипа во лигата.
Луко регуларниот дел го заврши на 10-то место, последно кое водеше во плеј-офот и одигра два 1/8 финални дуели со Хамелина која заврши на 7-то место. Влезе во тој двомеч како аутсајдер но забележа победа од 3:0 и реми 2:2 за да закаже плеј-оф дуел со Тапара.
Имаа среќа оваа сезона што обезбедија плеј-оф, особено ако се знае дека имаа само бод повеќе од Калпа, а имаа три порази по ред во последните три сезонски натпревари. Ќе имаат тешка задача пред себе и шансата за изненадување треба да ја бараат на домашен терен.
Be the first to comment