Камерун е бранител на трофејот во Купот на Африкански Нации, но тешко дека ќе може да го одбрани трофејот. Имаат солиден тим, го имаат Сидорф за селектор, но и доста проблеми. Сепак тие се големи фаворити против аутсајдерот во групата Гвинеа Бисао.
Сидорф се обидува проблемот да го претвори во предност
Камерун допатува на Купот на Африкански Нации во Египет како бранител на трофејот, но со големи проблеми и тоа нефудбалски. Оваа селекција изненади многумина кога минатиот шампионат го подигна трофејот, но фудбалерите не беа наградени за тоа.
Подготовките на Камерун за турнирот беа попречувани поради протести на фудбалерите, но менаџерот Кларенс Сидорф инсистира на тоа дека тимот е подготвен. Патувањето на репрезентацијата во Египет беше одложено додека не се реши прашањето околу премиите на фудбалерите, но Сидорф вели дека духот во тимот е зајакнат поради тоа прашање и дека неговата екипа е добро подготвена за долг пат на овој турнир. Селекторот Кларенс Сидорф за помош во оваа криза го повика легендарниот фудбалер Самуел Ето, кој на крајот го реши проблемот.
Поранешниот напаѓач на Барселона и Интер беше посредник во преговорите на фудбалерите со челниците на Фудбалскиот Сојуз и министерот за спорт, па на играчите веќе им е уплатена првата рата од договорениот бонус.
Камерун е бранител на трофејот, има солиден тим но е далеку од најдобрите во Африка
Полу-финалето не треба да биде надвор од можностите на Камерун, но се чини дека тие немаат квалитет или некоја ѕвезда за да го одбранат трофејот. Тие воопшто не се најдоа во групата на фаворити според фудбалските експерти и букмејкерите. Но сепак Камерун има солиден тим и барем по двајца фудбалери во секоја линија кои играат во најдобрите фудбалски лиги.
Во нападот се Чупо Мотинг и Басонг, како и уште неколкумина кои играат во Франција. Во средината главен е Н’Је од Марсеј, на кого друштво му прават Замбо од Фулам и Малонг Кунде од Мајнц. Токму овие двајца допридонесуваат за исклучително цврст среден ред. Во одбраната предводници се Оунго од Монпеље и Екамби од Виљареал. И токму сите овие со уште неколумина млади фудбалери на кои им се претскажува блескава иднина прават еден добар тим, кадарен да стигне далеку на турнирот. Освен тоа, групата им е по мерка бидејќи освен со Гана, тие ќе бидат фаворити и со Гвинеа Бисао и со Бенин. Но токму овој меч со Гвинеа Бисао ќе даде одговори на многу прашања, бидејќи тие се аутсајдерот во групата.
Гвинеа Бисао е аутсајдер во групата
Селекцијата на Гвинеа Бисао со право се смета за еден од аутсајдерите. Тие имаа среќа да паднат во една од полесните квалификациски групи каде играа со Намибија, Мозамбик и Замбија. Сепак успеаа да победат на само две од нивните шест квалификациски натпревари. Но загубија само еднаш, што значи дека сепак селекцијата има цврстина која е потребна на вакви турнири.
Речиси целата репрезентација на Гвинеа Бисау доаѓа од португалските лиги. Тоа е и оправдано и очекувано ако се знае дека оваа земја долги години била португалска колонија. Но фудбалски, колку и да се трудат да го пресликаат португалскиот стил им оди тешко. Фудбалерите играат пред се во послаби екипи, па дури и во тимови од втората лига. Дека ќе имаат проблеми на овој турнир докажа пријателската средба против уште една поранешна португалска колонија Ангола која славеше со 2:0, непосредно пред турнирот.
Наш предлог:
Be the first to comment