Бодо Глимт – Жалгирис: Норвешкиот тим има најефикасен напад во Европа сезонава

септември 17, 2020 Jovica Анализа на натпревари

Бодо Глимт во моментов важи за најефикасен тим во Европа. Газат се пред себе во Норвешка, а и минатото коло го декласираа комшијата на Жалгирис, Кауно Жалгирис со 6:1. Нема да се изненадам ако и овој меч има сличен епилог, а воопшто не се сомневам дека норвежаните ќе минат во следното коло.

Норвежаните имаат неверојатна сезона

Бодо Глимт сезонава игра неверојатен фудбал, офанзивен, крајно отворен против сите екипи. По 17 натпревари во Норвешка имаат скор на кој можат да им подзавидат и најдобрите европски екипи. 15 победи и само две ремија и тоа пазате, 62 постигнати гола и 19 примени. Тоа значи дека во превод на еден меч даваат по 3.64 гола. На последниот меч славеа со 6:1 над Одд, пред тоа со 0:3, а пред тој меч во предходното коло од Лигата на Европа славеа со 6:1 и тоа притив комшијата на Жалгирис, Кауно Жалгирис. И на тој меч беа домаќини и беа супериорни имајќи 26 шутеви кон противничкиот гол.

Жалгирис е интересне тим, но далеку е од Бодо Глимт

Жалгирис пак се наоѓа на второто место во Литванија со само два бода повеќе од Кауно Жалгирис кој играше минатото коло со Бодо Глимт. Жалгирис го помина тимот од Естонија Паиде над кого славеше со 2:0. Се работи за интересен тим, составен претежно од интернационалци. Имаат фудбалери од Романија, Србија, Холандија, Франција. Во првиот тим во предходното коло настапија четворица фудбалери од Литванија и тоа сите четворица репрезентативци на својата земја. Значи се работи за квалитетен тим, кој сепак е многу далеку од квалитетот на тимот од Норвешка.

Бонусот е натпревар со Милан

Квалитетот е на страната на Бодо Гмимт кој сезонава има високи амбиции на сите фронтови. Екипата игра над сите очекувања и во домашниот шампионат, па и во оној прв меч од квалификациите од Лигата на Европа. Освен тоа повторно жрепката сакаше тие да бидат домаќини. Бонусот за екипата која ќе слави се вика Милан кој ќе ги пречека во следното коло. Бодо Глимт сакаше да стигне до групите, но ако мине ќе налета на Милан, па и тој меч е самиот по себе мотив за фудбалерите на норвешкиот претставник.