Колумбија е еден од фаворитите на Копа Америка и како голем фаворит влегува во дуелот со Катар. Азијците пак освоија бод против Парагвај, но сега треба да одиграат многу подобро доколу сакаат да останат непоразени.
Колумбија е добро покриена во сите линии
Составот на Колумбија е полн со квалитет во сите линии. Тоа е факт и тој факт е непобитен, но заминувањето на Хозе Пекерман од селекторската позиција беше доволно за фудбалските експерти да не веруваат во овој тим. Тие пред се стравуваа за стабилноста на тимот. Ние во минатата анализа на дуелот Колумбија – Аргентира го тврдевме спротивното и не погрешивме. Новиот менаџер Карлос Квеироз има многу големо меѓународно искуство. И покрај тоа што неговото искуство е далеку од Јужна Америка, се чини дека имаше доволно време да ги склопи коцките.
Имаше позитивни знаци во победата во припремите над Перу минатата недела со 3:0, а веќе на дебито на Копа Америка беше совладана Аргентина со 2:0. Со евентуална победа против Катар, оваа селекција ќе си го чекира патот во следната рунда и ќе си ја олесни задачата во последниот меч против Парагвај во групната фаза.
Квеироз од проблем стана херој на селекцијата
Колумбија славеше сигурна победа над Аргентина и изненади многумина, иако ние го најавивме тој резултат. Квеироз во целост го надмудри својот аргентински колега Скалони. Токму во еден меч, Квеироз од проблем, стана херој. Следевме една невообичаена Колубија на тактички план, со многу ротации, но и со крајно смирена игра. Одбраната предводена од Мина и Санчез беше неверојатен бедем пред голот на Оспина. Средниот ред со Куардадо, Бариос и Урибе имаше неверојатни движења и со топка и без топка. Фалкао стандардно привлекува доста бекови кон себе, а со тоа им отвара простор на Родригез и Муриел по сраничните позиции. Но двата гола против Аргентина ги постигнаа резервите Мартинез и Запата, а тоа само го потврдува широкиот состав и големиот квалитет во ростерот на тимот. Оваа Колумбија според нас е во топ три фаворитите за освојување на шампионатот.
Катар со голем напредок
Имаше безброј критики во Јужна Америка кога беше испратена поканата кон Катар за настап на турнирот, но оваа селекција ги демантираше сите. Стана азиски шампион и како таков допатува во Јужна Америка, а во првиот меч одигра реми 2:2 против Парагвај. Уште пред тој меч најавивме дека Парагвај нема да слави, а напоменавме и да внимавате на Акрам Афиф кој иако млад е главниот играч на тимот. Тој е еден од ретките со искуство во Европа, откако играше во Еупен, но и во Ла Лига во тимот на Гијон. Сепак, не се снајде најдобро и се врати во Ал Сад каде буквално експлодираше и на 22 натпревари постигна неверојатни 26 гола. Токму тој беше стрелец за Катар против Парагвај и го најави враќањето на тимот. Катар губеше со 2:0, но за 10 минути во вториот дел постигна два гола доволни за голем бод.
Санчез прави голема работа со селекцијата на Катар пред СП во 2022 година
Освен него, тимот е создаден претежно од фудбалери кои играат во домашниот шампионат без големо меѓународно искуство и тоа е главниот хендикеп во овој момент. Но токму ваквите натпревари, се очекува да го поправат тоа до СП 2022 година. Фудбалерите на Катар ќе уживаат во шансата да се спротистават со најдобрите. Селекторот Санчез прави одлична работа со селекцијата, но тој главно е насочен кон дефанзивата, нешто што не се почитува во Јужна Америка. Сега по ремито со Парагвај сите со нетрпение го очекуваат мечот со Колумбија, но ако сакаат бодови ќе мораат да одиграат на повисоко ниво од првиот меч.
Наш предлог:
Be the first to comment