Динамо Киев и Бенфика ќе играат на стадионот Миејски во Полска, во првиот натпревар од плејофот од Лигата на шампионите во среда.
Двете екипи уживаа во одлична квалификациска кампања до сега и ќе сакаат да продолжат во истиот правец бидејќи се на само 180 минути од пласман во групната фаза на европското најпрестижно натпреварување.
Динамо Киев со старт над очекувањата
Динамо Киев продолжува во нивната амбиција за враќање во највисокото европско клупско натпреварување откако ја исфрлија екипата на Штурм Грац благодарение на вкупната победа од 3:1.
Откако остварија победа од 1:0 во првиот натпревар на 3-ти Август, украинците отпатуваа за Австрија шест дена подоцна, каде што и покрај негативата го свртеа мечот и славеа победа од 1:2.
Динамо Киев сега ужива во непобедливата одисеја во квалификациите за Лигата на шампионите, со едно реми и три победи, притоа со постигнато пет гола и примени само два од четирите настапи. Пред Штурм, тие беа подобри во двомеччот со Фенербахче.
Нивната следна задача е предизвикот да се спротивстават на Бенфика. Овој пат задачата ќе биде најтешка, а освен тоа овој меч се игра на неутрален терен, па очекувано Динамо Киев е аутсајдер.
Бенфика е голем фаворит
Избраниците на Роџер Шмит остварија две победи во нивните воведни два натпревари од сезоната во Примеира лигата, а изминатиот викенд славеа над Каса Пиа на гости со 0:1.
Пред тоа, Бенфика извојува победа од 1:3 над Митјиланд во реваншот од третото квалификациско коло во Лигата на шампионите на 9-ти Август за да ја комплетира вкупната победа од 7:2 над данскиот тим.
Португалскиот шампион од 2018-19 година тргнува во натпреварот во среда со блескава серија од 10 последователни победи во сите натпреварувања, кои датираат уште од поразот со 0:1 против Порто кога двете екипи се сретнаа во Мај.
Со оглед на тоа што екипата исто така е непоразена во последните седум гостувања, одигрувајќи нерешено 3:3 со Ливерпул во реваншот од четврт-финалето на Лигата на шампионите минатата сезона на 13-ти Април, јасно е дека тие се големи фаворити на овој меч.
Тимски новости: Динамо Киев
Динамо Киев ќе биде без двоецот Денис Гармаш и Сергиј Сидорчук, кои се суспендирани откако го минаа прагот на жолти картон со нивните картони против Штурм Грац.
Менаџерот Мирчеа Луческу нема да може да смета услугите на 29-годишниот дефанзивец Володимир Костевич, кој е надвор од терените од минатиот Декември поради долготрајна повреда.
Можен стартен состав на Динамо Киев 4-3-3: Бушчан; Кедзиора, Забарњи, Сирота, Дубинчак; Шапаренко, Андриевски, Шепелиев; Бујалски, Циганков, Беседин
Тимски новости: Бенфика
Бенфика ќе излезе на теренот без бразилскиот дефанзивец Лукас Верисимо, кој е повреден уште од Ноември минатата година. Сонародникот Жоао Виктор, кој неодамна дојде од Коринтијанс, се уште го чека своето деби.
Можен стартен состав на Бенфика 4-4-2: Влаходимос; Жилберто, Отаменди, Морато, Грималдо; Чикињо, Фернандез, Луис, Гончалвес; Рамос, Силва
Очекување:
Тешко е да се очекува дека Динамо Киев ќе игра во групната фаза на Лигата на Шампиони. Тие цела ланска полусезона играа само пријателски дуели и овие квалификациски мечеви сезонава се први за нив уште од почетокот на војната во Украина. Бенфика е поквалитетен тим и мислам дека тоа ќе биде доволно за победа и на овој прв меч на неутрален терен.
Be the first to comment