Во четврток продолжуваат возбудувањата во фудбалската Лига на Европа. На програмата се 1/16 финалните натпревари каде 32 екипи ќе се борат за вториот по вредност трофеј во Европа. Еден од поинтересните дуели е мечот Селтик – Валенсија.
Валенсија ќе игра офанзивно
На 26-те екипи кои преку групната фаза обезбедија пласман во оваа рунда, им се приклучија и осумте третопласирани екипи од групната фаза во Лигата на Шампиони. Една од нив е и Валенсија, која заврши на третото место во групата Х зад Јувентус и Манчестер Јунајтед. Гигантите од Ла Лига ќе бидат желни да ја покажат својата класа, а тие беа и среќни кога го добија Селтик за противник по жрепката во Нион. Најавите се дека Валенсија ќе нападне и нема да калкулира и покрај тоа што ќе игра на гости, а тоа е гаранција дека во Глазгов ќе следиме една специјална ноќ.
Селтик не беше убедлив, но го елиминираше Лајпциг
Селтик сакаше да игра во Лигата на Шампиони, но не успеа во квалификациите и обезбеди само пласман во групите од Лигата на Европа. Не беа баш убедливи ниту во ова натпреварување. Играа во групата Б, но завршија како втори со по три победи и порази и со дупло помалку бодови од лидерот во групата Салзбург. Но од друга страна, успеаа да го елиминираат Лајпциг кој заврши зад нив во групата. Брендан Роџерс на крај испадна дека добро си ја заврши работата, особено попобедата над Лајпциг од 2:1 на домашен терен. Токму таа победа се покажа како клучна за нивниот пласман во елиминациските натпревари.
Годинава Селтик изгледа моќно
Сега Селтик изгледа многу поразигран, бидејќи славеше на сите седум натпревари во 2019 година. Но уште поимпресивен е податокот што Селтик сеуште нема примено гол годинава, а на тие седум меча постигна неверојатни 21 гол. Токму одбраната ќе биде од витално значење ако тие сакаат да се пласираат во следната рунда од Лига Европа. Селтик се загреа за овој меч со натпревар од Купот пред неколку дена кога славеше победа од 5:0 над Сент Џонстон. Оттаму станува јасно дека Валенсија и покрај фаворитската улога, ќе ја чека тешка задача особено на првиот меч во една пеколна атмосфера на Селтик Парк во Ренџерс.
Валенсија тешко губи, но и тешко победува
Во Ла Лига, Валенсија игра под очекувањата. Искрено, екипата и не изгледа толку лошо на теренот како што лошо изгледаат нивните резултати. Тие имаат само четири порази сезонава, но попусто кога незнаат да слават победа. Само четири порази, но и само шест победи досега, наспроти 13 нерешени натпревари се доволни само за 8-то место на табелата. Имаат неверојатна одбрана, трета најдобра во Ла Лига, но во исто време и очаен напад. Токму нападот е најголем виновник за нивниот слаб пласман сезонава. А нивната амбиција наречена Лига на Шампиони е се подалеку и подалеку.
Само еден пораз на гости за Валенсија сезонава во Европа
Ова ќе биде петтиот меѓусебен натпревар на овие две екипи во историјата. Валенсија е подобра досега. На последниот натпревар тие извлекоа 0:0 во Шкотска, за дома да слават со 1:0 и да го елиминираат Селтик. Но тоа беше во далечната 2001 година и тие резултати од денешна гледна точка не значат буквално ништо. Но, вреди да се знае дека Валенсија изгуби само еднаш на гости во Лигата на шампионите оваа сезона и тоа со 1:0 во Торино кај Јувентус. Нема срам од тој резултат, секако. Затоа пак на гостувањето на Островот одиграа без голови против Манчестер Јунајтед. Можеби тоа е причината поради која навивачите на Валенсија очекуваат позитивен резултат од Шкотска.
Наш предлог:
Be the first to comment