Во петок стартува 29-то коло од плеј-офот на данската Супер лига. Веднаш има дерби меч и тоа директна битка за пласман во Лигата на Европа, во која Силкеборг ќе го пречека тимот на Рандерс.
Ќе биде ова крајно интересен меч, а веројатно ќе има и неизвесност, без разлика што домаќинот е во неверојатна победничка серија и е фаворит пред стартот на дуелот.
Силкеборг по шеста победа во низа
Силкеборг се наоѓа во неверојатна форма во плеј-оф завршницата во најдобрата лига на Данска. Доколку оваа екипа играше н аист начин и во регулатниот дел, ќе беше во битка за титулата со Копенхаген и Митјиланд. Вака им останува борбата за третото место и пласман во Лига Европа.
И добро им оди во таа борба, бидејќи се на третата позиција со два бода повеќе од Алборг кој е веднаш зад нив.
Серијата на Силкеборг е пет победи по ред и тоа на сите конкуренти за излез во Европа, а минатото коло тие славеа над Алборг со 4:2 и го поминаа на табелата.
На тој натпревар, Силкеборг беше надмоќен и сосема заслужено дојде до трите бода. Доколку успее да ја повтори играта и на овој меч, воопшто не треба да се грижи за бодовите. Натпреварите на Силкеборг обично беа возбудливи во последно време со многу погодоци. Само во текот на нивните шест последни натпревари, постигнати се вкупно 24 гола (во просек по 4 гола по натпревар), па сличен меч можеме да очекуваме и овој пат.
Рандерс брка излез во Европа
Рандерс влегува во овој натпревар по победата од 2:1 во Суперлигата над Брондби во нивниот последен натпревар.
На тој натпревар Рандерс имаше само 30% посед на топка и 6 обиди кон голот на противникот. За разлика од нив, Брондби беше одличен на теренот со еден куп шанси пред голот на Рандерс, но прими два гола и доживеа пораз. Сега Рандерс има две победи во низа, но доколку сака победничка серија ќе мора да ја поправи свјата игра. Не може постојано да се надева дека среќата ќе биде на нивна страна.
За екипата која сезонава успешно играше во Европа, ќе биде големо разочарување доколку следната сезона не игра во некое од европските натпреварувања, а овој меч за нив е од голема важност и може да биде патоказ пред последните натпревари во шампионатот оваа сезона.
Тимски новости: Силкеборг
Густав Дал, Милан Масоп и Андре Калисир се фудбалерите кои не мжат да настапат на овој меч поради повреди. Шефот на Силкеборг, Кент Нилсен, сепак има одличен тим на располагање. Мотивот е голем, а хомогеноста во екипата е на највисоко ниво и составот е веќе јасен.
Според наше мислење, Нилсен ќе го користи системот 4-3-2-1: Николај Ларсен; Расмус Карстенсен, Тобијас Салквист, Џоел Феликс, Лукас Енгел; Андерс Клинге, Марк Бринк; Роберт Гојани, Себастијан Јоргенсен, Николај Валис; Никлас Хелениус.
Тимски новости: Рандерс
Шефот на Рандерс, Томас Томасберг, нема посериозни грижи за фитнесот пред овој натпревар. Нема д аможе да смета на четворица фудбалери, но тие се надвор од екипата веќе подолго време и Рандерс се навикна да игра без нив.
Веруваме дека Томасберг би можел да одлучи да го започне натпреварот со формација 4-4-1-1: Патрик Карлгрен; Бјорн Коплин, Симон Пизингер, Симон Грејвс, О. Б. Кристенсен; Јакоб Анкерсен, Фредерик Лауенборг, Ласе Берг Џонсен, Тосин Кехинде; Хомершој Мистрати; Николаи Брок Мансен.
Очекување:
Формата на домаќинот е неверојатна и просто е тешко да се верува дека нема да слават уште една победа во нивната серија. Освен тоа, Силкеборг важи за домашна екипа, каде сезони наназад е тешко да се игра, поради теренот со вештачка трева. Така, Силкеборг славел на последните четири меча на домашен терен со Рандерс, па и таа традиција е на нивна страна. Во секој случај, ќе следиме неизвесен меч поради фактот што овој дуел е од голема важност за двете екипи за излезот во Европа.
Be the first to comment