Со сосема различна форма во Серија А, на стадионот Аречи во сабота се среќаваат последната Салернитана и се подобриот Сасуоло.
Додека гостите имаат серија од три победи по ред и се движат кон горниот дел на табелата, нивните домаќини заостануваат со 10 бода од безбедната зона по серијата од седум натпревари без победа.
Сасуоло ужива во одличната форма
По очајната форма на почетокот на Февруари, Сасуоло импресивно се опорави. Прво се случи она реми со Рома 2:2 во еден инзвонреден меч, за потоа да дојдат три победи по ред и тоа во еден крајно тежок распоред. Ова впрочем е најдобрата серија на екипата од Април минатата година.
Само четири тима имаат собрано повеќе поени во Серија А од 15-те на Сасуоло од почетокот на 2022 година. Славеа над шампионот Интер на гости со 0:2, па над одличната Фиорентина со 2:!, по што во минатото коло беа подобри од Венециа со 1:4.
Офанзивниот тим на Алесио Диониси е еден од трите тимови оваа сезона во кои најмалку четворица играчи имаат повеќе од 40 удари кон голот на противникот, а тројца од тие играчи – италијанските репрезентативци Доменико Берарди, Џакомо Распадори и Џанлука Скамарка, беа стрелци во минатонеделната победа над Венеција.
Тие сега се наоѓаат на 10-тото место на табелата во Серија А и ако успеат да го задржат ритамот ќе можат во Европа следната сезона. Во секој случај, повторувањето на осмото место од минатата сезона сега е сигурно во нишанот на Диониси, иако потајно се надеваат и на Европа.
На Салернитана и треба чудо за опстанок
Салернитана прими вкупно 61 гол во Серија А оваа сезона, а дури пет прими во минатонеделниот триумф на Интер со 5:0.
Пред оваа сезона, само 10 тимови во историјата примија повеќе од 60 гола по 26 натпревари во сезоната во првата лига на Италија. Осум од тие клубови на крајот испаднаа од лигата, така што шансите се секако против тимот на Давиде Никола.
И покрај некои подобрени перформанси откако докажаниот специјалист за опстанок во Серија А ја презеде одговорноста минатиот месец, Салернитана не успеа да победи во последните девет натпревари на домашен терен во Серија А.
Тоа ја претставува најдолгата серија на домашни натпревари на клубот од Кампанија без победа во елитното ниво, а исто така и нивната најобемна серија последователни ремија на домашен терен – три реми по ред. Тешка е задачата пред овој тим и реално треба да се случи чудо за да ја гледаме Салернитана и следната сезона во италијанската фудбалска елита.
Be the first to comment