Без пораз во последните шест натпревари, Бенфика ја пречекува Визела на Естадио да Луз во Лисабон во рамки на 26-то коло од португалската Примера лига.
Откако победија на последните три средби меѓу двете екипи, тимот на Нелсон Верисимо ќе исрча на терен со голема самодоверба и ќе се обиде да го задржи моментумот пред реванш мечот со Ајакс во Лигата на Шампиони.
Бенфика сака да продолжи со победите
Бенфика беше принудена да се мачи повече од очекувањата минатиот викенд кога извојува тешката победа од 1:2 против тимот на Портимоненсе на Естадио Мунисипал де Портимао.
Бразилскиот напаѓач Велингтон Жуниор ги доведе домаќините во водство во 25-та минута, но головите на Алехандро Грималдо и Гонкало Рамос го свртеа резултатот. Беше тоа тежок меч, со многу нервоза на теренот. Пред полувремето тренерот на домаќинот Пауло Серџо доби црвен картон, а пред крајот на мечот црвен картон доби и Моуфи – двајцата картоните ги добија надвор од теренот.
Бенфика сега е во серија од четири победи и едно реми на предходните пет меча во Португалија и е на 10 бода под Порто и на четири бода под Спортинг Лисабон. Сепак, третата позиција им е сигурна и треба да се случи чудо за да не играат во Лигата на Шампиони следната сезона.
Пред реваншот од осминафиналето на Лигата на шампионите против Ајакс, победата во петок може да послужи како зајакнување на моралот, откако во Холандија тимот патува со реми 2:2 на првиот меч.
Визела е во очајна форма
Визела се соочува со ризик од испаѓање по разочарувачката серија резултати од почетокот на Февруари.
Откако го затворија јануари со последователни победи од 3:2 над Тондела и Гимараеш, екипата не успеа да победи во ниту еден од нивните пет последователни натпревари – загубија три и забележаа две нерешени резултати. Визела влегува во петочниот натпревар по поразот со 3:1 од расположениот тим од Санта Клара минатата недела.
Со 24 бода од 25 натпревари, избраниците на Алваро Пачеко моментално се на 14-тото место на табела, со осум бода над Белененсес кој е на дното и со три бода над Тондела која е на последните места кои водат во понизог ранг.
Нивната лоша сезона се должи на нивниот слаб напад – постигнаа 27 гола, а нивната среќа на спротивниот крај на теренот не е ништо подобра, откако примија 43 гола и успеаја само на два меча да ја зачуваат својата мрежа.
Be the first to comment