Откако успеа да избегне срам во ФА Купот, Вест Хем Јунајтед се враќа во Премиер лигата со натпреварот против Вотфорд во Лондон во вторник вечерта.
Заморот е најголем проблем за Вест Хем
На „чеканите“ им требаше дополнително време за да го победат Кидерминстер со 2:1 во саботата, нешто што може негативно да влијае на нивните резултати, особено на овој меч поради големиот замор. Само два дена за одмор имаа играчите на Вест Хем по тие 120 минути со Кидерминстер.
Мојс мислеше дека ќе има лесен меч, па им даде шанса и на дел од фудбалерите кои повеќе време поминуваат на клупата. Сепак откако губеа, веќе на полувреме имаше четири замени и Вест Хем почна да притиска. Сепак, дадоа гол дури во 91-та минута. Она што е трагично за Кидерминстер, е тоа што Вест Хем голот за победа го даде повторно во последните моменти, во 120-та минута.
Победата во Кидерминстер барем стави крај на серијата од два порази за Чеканите, по кои пласманот во Лигата на шампионите сега е надвор од нивни раце бидејќи сега се наоѓаат на петтото место на табелата – еден бод зад Манчестер Јунајтед кој одигра натпревар повеќе.
Бидејќи Арсенал, исто така, го зголемува притисокот, Вест Хем не би избрал подобро време за да освои три бода, особено што ја има фаворитската улога против Ватфорд.
Ватфорд го чека тешка задача
Додека ФА Купот го зазеде централното место во текот на првиот викенд од Февруари, кандидатите за испаѓање, Ватфорд и Барнли, демонстрираа зошто се борат да го избегнат испаѓањето, откако одиграа без голови во страшни услови на Турф Мур во Премиер лигата.
Сега серијата на Ватфорд е 10 натпревари без победа во лигата. Тие влегуваат во овој меч од 18-то место, иако Норвич Сити има само еден бод повеќе од избраниците на Хоџсон кои одиграа натпревар повеќе.
Затоа, позитивен резултат на стадионот во Лондон би бил од огромно значење за Ватфорд во битката за опстанок. Сепак, доколку оваа екипа не ги подобри своите перфоманси и на двата краја од теренот, тешко дека може да се надева на позитивен резултат на ова гостување. Само да потенцирам, позитивен резултат за оваа екипа ќе биде и реми.
Be the first to comment