Лајпциг е домаќин на Леверкузен во дербито на колото во германската Бундеслига. Второпласираниот Лајпциг и третиот на табелата Леверкузен , најавуваат атак на победа, особено што во минатото коло и двете екипи доживеаа неочекувани порази.
Лајпциг сака да се врати на победите
Поразот на Лајпциг од 3:2 против Мајнц минатото коло беше особено мачен со оглед на тоа што тоа беше прва победа на домаќините на домашен терен сезонава.
Навистина, избраниците на Џулијан Нагелсман двапати поведуваа во првото полувреме преку головите на Тајлер Адамс и Марсел Халстенберг, но во двата наврати брзо враќаше Ниакхате.
Извонредната игра на крилото Дани да Коста му овозможи лесен гол на Леандро Бареиро за целосен пресврт во 50-та инута за онечни 3:2.
Во продолжението Лајпциг ја диктираше играта, го диктираше темпото но тоа не беше доволно барем за реми. Може да се каже дека овој пораз е најголемото разочарување за Лајпциг оваа сезона.
Сега тие имаат седум бода помалку од лидерот во лигата Баерн Минхен, па клубот веројатно ќе почека за првата титула во Бундеслигата. Три бода против Леверкузен би било огромен чекор за да се обезбеди уште еднаш фудбалски натпревари во Лигата на шампионите, што веројатно останува главна цел за екипата во продолжението од сезоната.
Леверкузен од еуфорија, до разочарување
Во меѓувреме, кога Леверкузен пред 10 дена славеше над Борусија Дортмунд со 2:1, сите помислија дека ќе продолжат во чекор да ги следат Баерн и Лајпциг. Но наместо тоа, се случи пораз од Волфсбург минатото коло и тоа на домашен терен со 0:1.
Тимот на Питер Бош притискаше од стартот на мечот, но наместо гол за нив, се случи гол за Волвсбург преку Баку.
Недостатокот на одговор во второто полувреме е главна грижа за Бош. Во првиот дел беа надмоќни, но во второто полувреме кога требаа да бркаат гол за реми, тие целосно се распаднаа. Поразот го става Леверкузен во сериозна опасност да испадне од најдобрите четири на табелата, особено доколку не успеат да постигнат позитивен резултат во Лајпциг во сабота.
Многу повредени во двете екипи
Лајпциг ќе биде без Јусуф Поулсен, Кевин Кампл, Доминик Собослај, Ибрахима Конате, Бенџамин Хенрихс и Конрад Лајмер.
Нагелсман мора да одлучи дали ќе го искористи присуството на Александар Сорлот во нападот или ќе тргне со лажна деветка, систем кој го има добро разработено.
Проблемите со повредите на Леверкузен и натаму растат, а против Лајпциг нема да играат Ларс Бендер, Баумгартлингер, Патрик Шик, Мичел Вајзер, Свен Бендер, Сантијаго Аријас и Паулињо .
Можна почетна постава на Лајпциг:
3-4-2-1 – Гуласки; Орбан, Упамекано, Халстенберг; Мукиле, Хаидара, Сабицер, Анџелино; Олмо, Форсберг; Сорлот
Можна почетна постава на Леверкузен:
4-3-3 – Храдецки; Драговиќ, Тах, Тапсоба, Синкгравен; Вирц, Арангуиз, Амири; Дијаби, Аларио, Бејли
Be the first to comment