Кенија – Танзанија е натпревар кој не привлекува големо внимание во Африка и ова е дуел кој на некој начин е битка за третото место во групата. Кенија е фаворит, има подобар состав и го има Ванјама во тимот. Но Танзанија го има Самата кој може да постигнува голови против секого. Очекуваме интересен и неизвесен меч, но веруваме во фаворитската улога на Кенија.
Кенија имаа среќа во квалификациите, но немаат среќа на турнирот
Кенија е просечна африканска селекција без посериозен успех досега. Имаа среќа, зошто имаа лесна задача во квалификациите откако Сиера Леоне го откажа учеството во истите и Кенија остана да игра само против Гана и Етиопија. Веднаш беше јасно кои две селекции ќе обезбедат пласман на ова натпреварување, ако се знае дека Етиопија е далеку зад останатите две селекции во групата. Тие во квалификациите славеа и над Гана кој е еден од фаворитите на Купот на Африкански Нации. Таа победа само дополнително ги загреа апетитите на сите во земјата под Килиманџаро. Но ако имаа среќа во квалификациите, тие немаа воопшто среќа при жребот за ова натпреварување. Во група со главните фаворити на турнирот Сенегал и Алжир, не можат да очекуваат ништо повеќе од престижен настап.
На првиот меч загубија од Алжир со 2:0 и беа надиграни во сите сегменти на фудбалската игра. Но Кенија си имаше свои шанси и на тој меч и во одредени моменти имаше блесоци. Сепак, тие се свесни дека нивната шанса за бодови е Танзанија и ако не успеат на овој меч, тешко дека ќе можат да се надеваат на бодови против Сенегал во последното коло.
Со Ванјама во селекцијата се е можно
Се во селекцијата на Кенија е насочено кон Ванјама од Тотенхем. Тој е главната ѕвезда во тимот, главната ѕвезда во целата земја и е капитен на селекцијата. Кога игра во дресот со националните бои, може да го видите и како напаѓач и покрај тоа што во Тотенхем игра како последен играч за врска. Не се изненадувајте доколку и на овој меч игра во нападот. Против Алжир стартуваше во средината, но имаше голема слобода во играта и го гледавме на различни позиции во трекот на целиот натпревар. Има уште неколкумина фудбалери од Кенија кои играат во Европа но во послабите лиги како Романија, Шведска … Останатите играат во Јапонија, Кина и во домашниот шампионат. Повеќето кои играат дома доаѓаат од шампионот на земјата Гор Махиа, што значи дека одлично се познаваат што покрај Ванјама, тоа е најголемата позитива за селекцијата.
Пласманот на Танзанија на турнирот крена многу прашина
Тешка задача во квалификациите немаше ниту Танзанија. Беа во група со Уганда, Лесото и Зеленортска Република и завршија како втори. Но имаше многу голема прашина во нивниот последен меч од квалификациите. Тие имаа ист број на бодови како и Лесото, а во последното коло играа со Уганда која веќе беше пласирана на Купот на Африкански Нации. Славеа победа од 3:0, но Уганда играше со втор тим и им ја олесни работата. Колку лесна задача имаа во квалификациите се покажа веќе на првиот меч од овој турнир при поразот од Сенегал со 2:0. Танзанија беше многу поочајна од тоа што го покажува резултатот. Имаа едвај околу 35% посед на топка и смао три шута кон голот на Сенегал. А Сенегал пак се изнапромашува, а за тоа потврда се 24 шута кон голот на Танзанија. Доколку не се смени нешто драстично кај Танзанија, тие не можат да се надеваат на бодови на турнирот.
И Танзанија си има ѕвезда во името на Самата
Танзанија е селекција од вториот, можеби и од најслабиот ешалон во Африка. Речиси целиот тим им игра во домашниот шампионат, но и тие си имаат своја ѕвезда исто како и Кенија. Го имаат еден од најефикасните напаѓачи во Африка и тоа Самата од Генк. Веќе четири сезони Самата успешно го носи дресот на белгискиот тим и е прв стрелец сезонава во белгискиот шампионат. На 38 натпревари сезонава за Генк во домашниот шампионат постигна одлични 23 гола и го собра признанието за најдобар голгетер, но и го сврте вниманието на екипи од најдобрите фудбалски лиги кон себе. Сепак, против Сенегал тој изгледаше осамено и немаше никаква подршка од своите соиграчи. Сега ќе имаат полесна задача против Кенија и јасно е дека Танзанија ќе има шанси за гол, а тие шанси Самата лесно ги претвара во голови. Затоа можете да одиграте и Гол-Гол на овој натпревар.
Наш предлог:
Be the first to comment