Швајцарија е домаќин на Република Ирска во крајно важен натпревар за двете селекции во групата Д. Ирците со победа ќе си обезбедат пласман на ЕУРО 2020, додека со пораз ќе бидат чекор назад. Но Швајцарија е под голем притисок и нема друга опција освен победа.
Ирска со победа ќе обезбеди пласман на ЕУРО 2020
Ирска е на 90 минути од пласман на Еуро 2020. Но, тие исто така би можеле да се оддалечат за уште 90 минути и покрај тоа што во моментов се лидери во групата.
Во саботата Ирска пропушти огромна шанса, откако во голема борба во Тбилиси одигра само 0:0 против Грузија. Тоа само го зголеми притисокот врз фудбалерите на Мик Мек Карти пред пресметката против Швајцарија во Женева.
За волја на вистината, ирците имаа среќа досега. Долго чекаат за пласман на едно големо натпреварување, а сега шансата за тоа е голема. Победата над Грузија беше императив, но по поразот на Швајцарија од Данска тие добија мотив плус. Различни варијанти постојат во овој момент, но едно е сигурно – ако победи Ирска тие одат на ЕУРО 2020.
Но и да се случи пораз, ќе имаат уште една шанса и тоа победа во последното коло дома против Данците.
Швајцарија игра добро, но нема среќа
Но ако Ирска е под притисок, Швајцарците се под уште поголем притисок по поразот во Копенхаген во саботата. Јасно е дека и покрај тоа што Швајцарија има меч помалку од Ирска и Данска, мора да слави победа на овој натпревар.
Швајцарија е најсилниот тим во однос на настапите низ групата ако го тргнеме на страна поразот од Данска и тие се големи фаворити на овој меч.
Тимот на Владимир Петковиќ треба да слави против Ирска и веројатно ќе ја заврши својата работа, бидејќи до крајот има загарантирани бодови против аутсајдерите во групата Грузија и Гибралтар.
Швајцарија сама е виновна што е на третото место на табелата. Тие водеа со 3:0 против Данска во март, но на крајот за шест минути примија три гола и освоија само еден бод. Тие доминираа против Ирска во Даблин минатиот месец, но повторно освоија само бод. Во саботата пак, тие беа спречени од играчот на натпреварот Каспер Шмајхел и не освоија ништо.
Позициите на табелата можат да донесат погрешен заклучок
Лидерската позиција на Ирска претставува малку заблудувачка слика за нив. Истото важи и за Швајцарија но во различна конотација. Според игрите, Ирска би требало да е трета, а Швајцарија прва.
Мик Мекарти и неговите играчи во некоја друга ситуација веројатно би признале дека прото место во моментов за нив е сплет на околности и многу среќа. Ирците имаат три победи и три ремија, а победите им се против Гибралтар и Грузија. Но одиграа нерешено со Швајцарија и Данска, како и со Грузија пред некој ден. Реално, Ирска беше надиграна во секој поглед, но извлече по еден бод давајќи голови од единствените шанси. Со Швајцарија ситуацијата е спротивна. Тие беа подобри на теренот на сите натпревари, ни загубија бодови против Данска и Ирска, па сега треба да се вадат на овој меч.
Сепак, квалитетот е на страната на домаќинот и тоа би требало да дојде до израз, особено што Ирска не смее одново да се надева на среќата.
Be the first to comment