Африканскиот куп на нации во досегашниот тек е разочарување за љубителите на фудбалот, пред се кога станува збор за ефикасноста. Денес во рубриката Тикет на денот сепак избравме меч од овој шампионат и тоа дуелот Гамбија – Мали.
Гамбија и Мали ќе бијат битка за првото место во групата Ф на стадионот Лимбе Омниспорт во недела. Откако и двете селекции забележаа победи во средата, моментално се израмнети со три бода на врвот на табелата и овој меч за нив е многу важен.
Гамбија не може повторно да се надева на среќа
Гамбија го одбележа своето деби на Африканскиот куп на нации со надигрувајќи ја Мавританија. Победата од 1:0 во воведниот натпревар во средата сепак не беше лесна. Ако се погледне статистиката, тогаш јасно е дека Гамбија иаше многу среќа на овој меч. Мавританија беше тимот кој го диктираше темпото и редеше шанси пред голот на Гамбија, но сепак победа е победа и важни се само трите бода.
Сега Гамбија не може повторно да се надева на среќа, особено што играат против голем фаворит. Западноафриканците го обезбедија своето место во Камерун откако завршија на првото место во групата Д во квалификациите, израмнувајќи се на 10 бода со второпласираниот Габон и еден бод над третопласираниот ДР Конго. Тој пласман беше над сите очекувања, но ако не ја пресликаат играта од тие квалификации на овој меч со Мали, тешко дека можат баре до бод.
Мали е скриен фаворит на турнирот
Мали го играше дербито во групата со Тунис, меч кој се сметаше за директна битка за првото место и славеше победа од 1:0 во средата.
„Орлите“ поведоа со голот на Ибрахима Коне преку пенал во 48-та минута и до крајот одиграа цврста одбрана и заслужено славеа победа.
Мали сега е во серија од пет победи по ред во сите натпреварувања и тоа без ниту еден примен гол. Серијата без примен гол е долга седум меча во кои тие се непоразени, забележувајќи шест победи и едно реми за тоа време.
Оваа извонредна серија им овозможи да обезбедат место во плеј-офот за Светското првенство во 2022 година, откако завршија на првото место во групата Е со 16 поени од шест натпревари.
Сега Мали е на една победа од речиси сигурно обезбедување осминафинале, каде што беа исфрлени во Египет пред три години благодарение на поразот со 1:0 од Брегот на Слоновата Коска.
Be the first to comment