И во Белгија нема голема фудбалска пауза за време на Божиќниот период. На програмата се натпреварите од 21-то коло а во понеделник нашето внимание го привлече дуелот меѓу последниот Бершот и гигантот Андерлехт.
Бершот не може да биде поочаен
Страшна сезона има Бершот. Со само девет бода од 19 натпревари екипата е закована на дното на табелата. Треба да се случи чудо за тимот да се спаси од испаѓање, особено што и во оваа фаза веќе заостанува со неверојатни 12 бода од безбедната зона. Имаат само две победи, три ремија и дури 14 порази. Имаат најлош напад во лигата, па тоа што одбраната не им е најслаба н еим носи многу бодови.
Сега се во серија од четири порази по ред и во оваа серија немаат постигнато ниту еден гол. Тешко е да се верува дека токму против Андерлехт ќе се извадат и ќе дојдат до некој бод. Ситуацијата во екипата е очајна, а смената на тренерот и доаѓањето на аргентинецот Торенте не донесе многу позитивни нешта во тимот.
Позитивни ветришта дуваат во Андерлехт
Андерлехт игра под просекот, под сите очекуања оваа сезона. Речиси и да немаат веќе шанси за титулата, а во сезоната влегоа како број еден фаворити за највисок пласман. Сепак, сега заостануваат со дури 12 бода од лидерот Ројал Унион што е премногу.
Кога на почетокот на сезоната не успеаа да се пласираат во групната фаза на европската Конференциска лига, сите очекуваа дека Андерлехт ќе има полесна задача во домашниот шампионат. Целосно се насочија кон Јупилер лигата, но и тоа се покажа како недоволно барем до сега. Но позитивни ветришта има во тимот во последно време. Во моментов екипата е во одлична серија и на последните седум меча има шест победи.
Освен тоа, Андерлехт сезонава има само три порази – најмалку во Белгија, но затоа пак има дури осум нерешени средби. Доколку успеат да научат да ја зачуваат предноста, тогаш дефинитивно ќе можат барем до Лигата на Шампиони.
Be the first to comment