Стоук Сити и Питерборо Јунајтед се соочуваат во првенството за прв пат по 19 години, кога во сабота попладне, во рамки на 18-то коло од Чемпионшип ќе играат меѓусебе.
Домаќините се на петтото место благодарејќи на двете победи по ред, додека Питерборо е без победа на три меча и е само едно место над зоната за испаѓање.
Многу работи се сменија за Стоук и Питерборо од нивната последна средба во март 2002 година кога Стоук славеше победа од 1:0. Во моментов, додека избраниците на Мајкл О’Нил бараат промоција во Премиер лигата, Питерборо е фокусиран само на останување во лигата.
Питерборо ќе се бори за опстанок
Тимот на шкотланѓанецот Фергусон ја подигна барем малку формата кога на крајот од Октомври славеше над Хал на гости и над КПР на домашен терен. Но кога сите помислија дека за екипата доаѓаат подобри времиња сезонава, се случи повторно серија без победа. Три меча – два порази и едно реми.
По поразот со 3:0 од Свонси Сити и ремито 1:1 од Хадерсфилд Таун, тимот на Дарен Фергусон беше поразен со голот на Александар Митровиќ од Фулам со 0:1 во пред репрезентативната пауза.
Тоа беше осми натпревар оваа сезона, на кој Питерборо не успева да постигне гол, при што ниту еден тим во дивизијата не шутира помалку од нив до сега (138 шута) од кој во гол само (48).
Стоук очекува сигурни три бода
Стоук не постигнува голови во последно време, но им требаше само еден гол за да слават на гости над Блекпул, а потоа и над Лутон Таун во нивните последни два натпревари пред двонеделната пауза.
Тие гостински победи го преместија Стоук во плејофот и тие сега ја бркаат третата победа во низа за прв пат од октомври 2016 година, кога беа дел од Премиер лигата.
Имаат тенденција да се радуваат на победи кога ќе се соочат со Питерборо, па така на шесте меѓусебни натпревари до сега само првиот меч завршил нерешено, додека последните пет завршиле со победа на Стоук.
Уште три бода ќе бидат целта на О’Нил во сабота и реално, тоа и треба да се очекува од екипа која сака пласман меѓу најдобрите во Англија.
Информации за составите
Стоук беше потресен оваа недела со веста дека дефанзивецот Хари Сутар ќе биде надвор од теренот до крајот на сезоната поради повреда заработена на репрезентативна должност со Австралија.
Сутар ги започна сите, освен еден од натпреварите на Стоук оваа сезона, па играчите како Џејмс Честер и Бен Вилмот ќе мора да играат на далеку повисоко ниво во наредните месеци.
Централниот бек се приклучува на долгата листа на отсутни во оваа екипа, во која се и Сем Клукас, Абдала Сима и Алфи Доути.
Што се однесува до гостите, Џек Мериот и Џоел Рандал остануваат надвор од екипата, додека Кристи Пим продолжува да биде во втор план во изборот на Фергусон и покрај критиките од навивачите.
Доколку Фергусон воопшто сака да ги промени работите, Идрис Кану, Кваме Поку и Рони Едвардс се опциите кои можеби ќе добијат шанса.
Be the first to comment