УЕФА Супер Куп: Челзи – Виљареал, во Белфаст ќе се додели првиот европски трофеј сезонава

Супер Куп

Долго очекуваниот европски Супер Куп се игра во среда на Виндзор стадионот во Белфаст, Северна Ирска, а во него ќе се борат Челзи и Виљареал за првиот европски трофеј сезонава.

Томас Тухел ги водеше „сините“ до титула во Лигата на шампионите минатата сезона, додека серискиот победник во Лига Европа, Унаи Емери му донесе на Виљареал трофеј во Лигата на Европа.

Тухел направи неверојатна работа со Челзи

Севиља, Порто, Атлетико Мадрид и Реал Мадрид панаа пред тимот на Тухел, минатата сезона во Лигата на шампионите, но екипата од Западен Лондон отпатува на Естадио Драгао за финалето како голем аутсајдер против Манчестер Сити.

Сепак, коцкањето на Пеп Гвардиола не се исплатеше бидејќи ударот во 42-та минута на Каи Хаверц го реши натпреварот и Челзи го освои европското елитно натпреварување по втор пат во последните девет години.

Поранешниот тренер на ПСЖ ги исполни соништата на Челзи за европска слава по само една полусезона на чело на тимот, нешто што никако не можеше да го направи со толку богатиот ПСЖ.

Тимот на Тухел стана познат по својата дефанзивна решителност, па затоа изненадување е тоа што Челзи не успеа да го сочува својот гол на ниту еден од претсезонските натпревари,  против Петерборо, Бурнемут, Арсенал и Тотенхем.

Емери знае како до трофеј во Европа

Емери не се снајде најдобро во Премиер Лигата на чело на Арсенал, но затоа веднаш по враќањето во Ла Лига, дојде до трофеј во Европа. Потрагата на Емери да го врати Арсенал во фудбалската Лига на шампиони заврши со огромен неуспех, но потоа „топџиите“ беа една од многуте жртви на „жолтата подморница“ за време на доминантната кампања во Лига Европа.

Откако освои 16 поени од 18 во групната фаза, Виљареал ги совлада Салцбург, Динамо Киев, Динамо Загреб и Арсенал за да закаже финална пресметка со Манчестер Јунајтед, каде што 21 пенал беше реализиран пред промашувањето на Давид де Геа за четврта титула на Емери во Лига Европа.

Како и да е, претсезонскиот период на Виљареал е за заборавање, бидејќи екипата на Емери не успеа да победи на ниту еден од нивните шест средби, а неодамна загуби од Лестер Сити и ремизираше со Лидс Јунајтед за време на кратката турнеја низ Велика Британија.

Со оглед на тоа што титулата во Лига Европа е прв голем трофеј за тимот, Виљареал ќе дебитира во Суперкупот оваа година, а победа на жолтата подморница ќе ја направи Шпанија најмоќна земја во ова натпреварување, надминувајќи ја Англија – со кого во моментов го делат првото место по пет трофеи.

Прогноза:

Челзи – Виљареал – 1 @ 1.70 во Bet365

Be the first to comment

Leave a Reply

Your email address will not be published.


*