ЕУРО анализа: Шкотска – Чешка, гостите фаворити, но тешко се игра во Глазгов

SCO vs CZE

Шкотска на Хемпден парк во Глазгов во понеделник игра против Чешка, во рамки на Групата Д, во терминот од 15:00 часот. Шкотите со нетрпение го очекуваат овој меч, особено ако се знае дека Шкотска конечно го заврши 23-годишно чекање за да се појави на голем меѓународен турнир.

Англија и Хрватска се фаворити за освојување на првите две позиции во оваа група, но третото место сепак може да биде доволно за пласман во осминафиналето, а Шкотска и Чешка се надеваат дека со победа во меѓусебниот дуел ќе успеат да ја минат оваа тешка група.

По 23 години Шкотска се враќа на фудбалската мапа

Како што веќе кажавме, во понеделник, на „Хемпден парк“ ќе се одигра првиот натпревар на Шкотска на голем меѓународен турнир уште од Светското првенство во 1998 година, а тие за прв пат се на Европското првенство по ЕУРО 1996, кога исто така беа со Англија во групата.

Шкотска драматично се квалификуваше на ЕП 2020 и тоа преку Лигата на Нации, благодарение на победите во полуфиналето над Израел и против Србија во Белград во пенал-серија.

Тимот на Кларк секако е аутсајдер кога станува збор за освојување на едно од првите две места во оваа група, но победа во понеделник ќе ги постави во одлична позиција пред историскиот судир со Англија на стадионот Вембли на 18-ти јуни.

Шкотланѓаните имаа добри подготовки за овој турнир, откако забележаа респектабилен нерешен резултат 2:2 со Холандија на 2-ри јуни пред да забележат победа од 1:0 над Луксембург на 6-ти јуни.

Шкотска конечно има одличен состав

Шкотска не успеа да ја помине групната фаза во своите две претходни учества на Европските првенства, но Кларк состави состав што е способен да ги предизвика фаворитите за пласман во осминафиналето. Најголемиот дел од шкотската екипа за овој натпревар се знае, но сепак има одредена неизвесност дали Кларк ќе оди со двајца напаѓачи. Низ шкотските медиуми се најавува изненадување од Кларк со формација 3-5-2.

Адамс и Линдон Дајкс играа како напаѓачи против Луксембург и тоа повторно се очекува да биде случај на овој натпревар, додека Тирнеј, Ендру Робертсон, Скот Мектоминај и Мекгин се сигурни дека ќе стартуваат на овој меч.

Фудбалерот на Челзи, Били Гилмур е опција, но Калум Мек Грегор треба да се приклучи на двоецот од Премиер лигата во средината, Мектоминај и Мекгин. Се на се, еден доста интересен состав во кои има искуство, но и млади талентирани фудбалери кои играат на високо ниво во англиската Премиер лига.

Се за ЕУРО 2021 на едно место, домаќини, групи, распоред, најава, анализа, очекувања, предлог типови, ковид протоколи, правила, рестрикции

Чесите можат да изненадат во оваа група

Чешка е трет фаворит според букмејкерите за пласман во нокаут-рундата и тие ќе го сметаат дуелот со Шкотска како клучен за нивните шанси за прогрес.

Избраниците на Јарослав Силхави претрпеа пораз од Италија со 4:0 во првиот пријателски натпревар на 4-ти јуни, но успеаа да се вратат на победничките патеки на 8-ми јуни благодарение на победата од 3:1 над Албанија.

Тешко е да се знае што точно да се очекува од Чесите ова лето. Ремито со Белгија во квалификациите за СП 2022 година во Март беше показател за нивните високи квалитети и високи можности. Но често знаат да киксираат.

Чешка беше вицешампион во Германија на ЕУРО 1996, додека тие се пласираа во полуфиналето на ова натпреварување во 2004 година, пред исто така да се изборат за место во четвртфиналето на ЕУРО 2012 – што ги прави селекција која секогаш игра добро на големите првенства.

Тимот на Силхави, ја гледа Шкотска како најслаб противник во оваа група, а фактот дека тие ја завршуваат групната фаза со последователни натпревари против Хрватска и Англија, значи дека финалистите од 1996 година не можат да си дозволат пораз на „Хемпден парк“.

Чешка потсетува на славните денови

Ова е селекција која ја краси цврстина и борбен дух и токму овие две особини им донесоа одлични резултати во последните две години. Во квалификациите завршија веднаш до Англија со која се повторно во група на овој шампионат и им го нанесоа единствениот пораз на англичаните во тие квалификации. Токму таа победа е дополнителен мотив пред ова првенство. Во Лигата на Нации завршија први во група со Словачка, Израел и Шкотска против која го играат овој меч. Но ако победата над Англија ги мотивира, против Шкотска тие доживеаа два порази во Лигата на Нации, без разлика што завршија како лидери.

Двоецот на Вест Хем, Владимир Куфал и Томас Соучек ќе бидат носители на Чешка на ова првенство. Владимир Дарида – капитенот и најискусниот играч во составот е исто така од голема важност, додека Патрик Шик од Баер Леверкузен, можеби е фудбалерот од кого највеќе се очекува.

Прогноза

Чешка е фаворит на овој дуел. Можеби според квалитетот на фудбалерите двете репрезентации се на исто ниво, но Чешка има одлични резултати во последно време и потсетува на онаа славна генерација на оваа земја во која беа Недвед, Колер, Поборски, Шмицер …

Сепак во Лигата на Нации, Шкотска славеше на два пати над Чешка, која пак без разлика на двата порази заврши прва. Од таа гледна точка, јасно е дека овој меч е незгоден за прогнозирање, особено што Шкотска ќе игра пред своите навивачи. Она што мене ми изгледа најреално, е на овој меч да гледаме цврт фудбал, тврд натпревар, без многу голови.

ТИП: Да паднат Под 2.5 гола @ 1.55 во 22Bet

Прво полувреме да заврши нерешено @ 1.93 во 22Bet

Квоти за ЕУРО 2020


ДатумГрупаНатпреварTип 1 x 2
11.06.2021
21:00 ч.
Група АТурција - Италија
12.06.2021
15:00 ч.
Група АВелс Швајцарија
12.06.2021
18:00 ч.
Група БДанска Финска
12.06.2021
21:00 ч.
Група ББелгија Русија
13.06.2021
15:00 ч.
Група ДАнглија Хрватска
13.06.2021
18:00 ч.
Група ЦАвстрија Македонија
13.06.2021
21:00 ч.
Група ЦХоландија Украина
14.06.2021
15:00 ч.
Група ДШкотска Чешка
14.06.2021
18:00 ч.
Група ЕПолска Словачка
14.06.2021
21:00 ч.
Група ЕШпанија Шведска
15.06.2021
18:00 ч.
Група ФУнгарија Португалија
15.06.2021
21:00 ч.
Група ФФранција Германија
16.06.2021
15:00 ч.
Група БФинска Русија
16.06.2021
18:00 ч.
Група АТурција Велс
16.06.2021
21:00 ч.
Група АИталија Швајцарија
17.06.2021
15:00 ч.
Група ЦУкраина Македонија
17.06.2021
18:00 ч.
Група БДанска Белгија
17.06.2021
21:00 ч.
Група ЦХоландија Австрија
18.06.2021
15:00 ч.
Група ЕШведска Словачка
18.06.2021
18:00 ч.
Група ДХрватска Чешка
18.06.2021
21:00 ч.
Група ДАнглија Шкотска
19.06.2021
15:00 ч.
Група ФУнгарија Франција
19.06.2021
18:00 ч.
Група ФПортугалија Германија
19.06.2021
21:00 ч.
Група ЕШпанија Полска
20.06.2021
18:00 ч.
Група АИталија Велс
20.06.2021
18:00 ч.
Група АШвајцарија Турција
21.06.2021
18:00 ч.
Група ЦМакедонија Холандија
21.06.2021
18:00 ч.
Група ЦУкраина Австрија
21.06.2021
21:00 ч.
Група БФинска Белгија
21.06.2021
21:00 ч.
Група БРусија Данска
22.06.2021
21:00 ч.
Група ДХрватска Шкотска
22.06.2021
21:00 ч.
Група ДЧешка Англија
23.06.2021
18:00 ч.
Група ЕСловачка Шпанија
23.06.2021
18:00 ч.
Група ЕШведска Полска
23.06.2021
21:00 ч.
Група ФГерманија Унгарија
23.06.2021
21:00 ч.
Група ФПортугалија Франција
26.06.2021
18:00 ч.
1/8
Натпревар: 1
Велс Данска
26.06.2021
21:00 ч.
1/8
Натпревар: 2
Италија Австрија
27.06.2021
18:00 ч.
1/8
Натпревар: 3
Холандија Чешка
27.06.2021
21:00 ч.
1/8
Натпревар: 4
Белгија Португалија
28.06.2021
18:00 ч.
1/8
Натпревар: 5
Хрватска Шпанија
28.06.2021
21:00 ч.
1/8
Натпревар: 6
Франција Швајцарија
29.06.2021
18:00 ч.
1/8
Натпревар: 7
Англија Германија
29.06.2021
21:00 ч.
1/8
Натпревар: 8
Шведска Украина
02.07.2021
18:00 ч.
1/4
Натпревар: 1
Швајцарија Шпанија
02.07.2021
21:00 ч.
1/4
Натпревар: 2
Белгија Италија
03.07.2021
18:00 ч.
1/4
Натпревар: 3
Чешка Данска
03.07.2021
21:00 ч.
1/4
Натпревар: 4
Украина Англија
06.07.2021
21:00 ч.
1/2
Натпревар: 1
Италија Шпанија
07.07.2021
21:00 ч.
1/2
Натпревар: 2
Англија Данска
11.07.2021
21:00 ч.
ФиналеИталија Англија

Сите квоти за ЕУРО 2020 ТУКА

Be the first to comment

Leave a Reply

Your email address will not be published.


*