Во вториот меч кој е на програмата во понеделник, на ЕУРО 2020 играат Полска и Словачка, во терминот од 18:00 часот во Санкт Петербург. Интересен ќе биде овој ме поради неколку аспекти, иако меѓусебе играат две репрезентации кои не се со атрактивни имиња.
Сепак, кога на терен ќе истрчаат фудбалери како Левандовски и Зиелински од Полска или пак Лоботка или Скриниар од Словачка, мора да се очекува интересен натпревар.
Полска во слаба форма
Ова Европско Првенство доаѓа во доста незгоден момент за Полска. Тие се наоѓаат во една навистина лоша серија и добро за нив е тоа што ќе го отворат шампионатот против аутсајдерите од групата Е, Словачка.
Единствената победа оваа година, за Полска е онаа против Андора. Но затоа дојде и до смена на селекторот. Тамошната федерација верува дека со селекторската смена ќе се предизвика позитивен шок токму на ЕУРО. Сега притисокот е врз новиот тренер Пауло Соуса од кого сите очекуваат да започне со победа во културната престолнина на Русија.
Со оглед на тоа што нивниот сегашен тим е изграден околу актуелниот најдобар светски играч на годината – Левандовски, секако дека очекувањата се оправдани.
Сепак, нерешените резултати против Русија и Исланд во подготовките се предупредување, дека за нив ниту овој меч против најслабата селекција во групата, нема да биде лесен.
Соуса премногу експериментираше
Тактичките промени на тренерот Пауло Соуса, досега се покажаа како неуспешни по неговото Тој веднаш се соочи со критики по трите меча од квалификациите за пласман на СП во Катар 2022 година, кога Полска освои само еден бод од средбите со главните ривали Англија и Унгарија, поразувајќи ја скромната Андора.
Сега сите се надеваат на блесок на Роберт Левандовски кој во моментов е најсмртоносниот стрелец во Бундеслигата.
Полјаците се обидуваат да го направат четвртиот последователен обид за минување на групната фаза, како и последниот, пред пет години, кога се пласираа во последните осум, па загубија само од актуелниот шампион Португалија на пенали.
И реално имаат тим за нешто такво. Покрај Левандовски, тука е и Зиелински од Наполи. Поради него и останатите во средниот ред, јасно е дека напаѓачите ќе имаат многу шанси пред противничкиот гол.
Словачка не е без шанси
Словачка беше воодушевена што стигна до осминафиналето на нивното прво Европско првенство по осамостојувањето. Сега сонуваат да го повторат тој успех, но реално се аутсајдери во оваа група.
Избраниците на Стефан Тарковиќ сепак се надеваат на повторување на подвигот од 2016 година, но се свесни дека избегнување на пораз на отворањето може да се покаже како клучно за нивните надежи.
Победата над Република Ирска во пенал-серијата во баражот од Лигата на Нации, па потоа и победата над Северна Ирска значеа пласман на ЕУРО 2020.
Откако квалификациите завршија пред повеќе од една година, формата на Словачка, сепак, во голема мера е падната. Тие имаат победено на само два од последните 13 меча во 90 минути, додека испуштија четири бода против селекции како Кипар и Малта на почетокот на квалификациската кампања за Светското првенство во дуелите во март – иако тие го направија изненадувањето славејќи на најтешкиот меч, против Русија на домашен терен.
Дефанзивецот – освојувач на Скудетото, Милан Скриниар ќе биде можеби клучот за успехот на Словачка. Тој заедно со националната легенда Марек Хамшик, се предводници на оваа генерација и ако се погледне што овие двајца постигнале во своите кариери, тогаш јасно е дека Словачка не смее да се отпише.
Прогноза
Полска е фаворит за освојување на трите бода и во тоа немам никаква дилема. Имаат поквалитетни фудбалери, го имаат Левандосвки и би требало да дојдат до победа. Интересен ќе биде дуелот на Скриниар и Левандовски, а токму тој дуел може да биде одлучувачки. Но Полска не е само Левандосвки … Во секој случај, без разлика што Словачка особено игра доста ефикасно во последно време, јас не очекувам многу голови. Покрај единица, можете д аодиграте и 0-2 гола.
2 Trackbacks / Pingbacks