Хрватска има за цел да се врати од поразот против Англија на стартот на ЕУРО 2020, на мечот со Чешка во петок од 18:00 часот по македонско време. Овој меч од групата Д е од големо значење за двете селекции, за нивните надежи за пласман во следната фаза.
Чешка заврши половина од својата задача
Тимот на Јарослав Силхави брзо се искачи на врвот во групата откако славеше среде Шкотска со 0:2 на нивниот прв меч на турнирот. Навивачите на Шкотска отпатуваа на Хемпден со ненадминливо чувство на оптимизам, на еден меч од ЕУРО за прв пат по 23 години, но големото расположение на Тартан армијата брзо се расипа со шоуто на Патрик Шик. Шик беше стрелец на двата гола, за сосема заслужена победа на неговата селекција.
Победа од два гола за тимот на Силхави значи дека тие моментално го заземаат првото место во групата Д, но би било изненадување да останат таму. Но после овој меч, чесите можат да слават пласман во следна фаза.
Работата е далеку завршена за Чешка и тие се свесни за тоа. Славеа над најслабата селекција во групата, а допрва следат дуелите со двата фаворити, Хрватска и Англија.
Чешка не успеа да победи на ниту една од претходните три средби со Хрватска, а интересно последниот дуел на овие две селекции беше на минатото ЕУРО кога мечот заврши 2:2. Тој бод беше единствен за Чешка на тоа првенство и тие немаат ништо против сега да освојат повторно бод.
Светскиот вицешампион мора до победа
„Коцкестите“ патуваа во англиската престолнина со цел да го повторат успехот од Светското првенство во 2018 година над тимот на Герет Саутгејт. Но загубија со 1:0, што впрочем беше и прва победа на европските првенства на еден стартен меч за Англија.
Избраниците на Златко Далиќ се бореа да ја задржат својата репутација на светски вицешампиони по пласманот во финалето на Светското првенство во Русија пред три години, но поразот на отворањето не смее да ги растревожи премногу. Хрватска одигра добар меч и беше рамноправен противник со Англија. Имаа шанси. Беа тука некаде со поседот на топка и доколку ја повторат таа игра, можат до три бода против Чешка.
Има еден интересен податок за Хрватска кога во прашање се големите натпреварувања. Имено, Хрватска на 10 големи турнири на колку што учествуваше во својата кратка историја како независна држава, никогаш не загубила на вториот меч и имаат шест победи и четири ремија.
Сепак, Хрватска е светски вицешампион и еден пораз на стартот не смее да ги вознемири, бидејќи тие допрва треба да играат против реално послабите од нив, Чешка и Шкотска.
Прогноза
Хрватска е фаворит на овој дуел поради многу сегменти. Финалистите од минатото Светско Првенство, сепак се наоѓаат под притисок, бидејќи Чешка има три бода, а Хрватска нема бод. Може овој меч да биде голем плус за нив, но ако евентуално не успеат да слават, тогаш ќе им биде навистина тешко да се пласираат во следната фаза. Очекувам офанзивен пристап на Хрватска и нивна победа. Чешка ќе биде задоволна и со реми и ќе игра претпазливо.
Be the first to comment