Две големи имиња во Серија А се судираат во недела на Сан Сиро, каде Милан е домаќин на ривалот од југот на Италија – Наполи, со цел да го одржи својот притисок врз Интер во борбата за Скудето.
Гатузо во меѓувреме го носи својот неконзистентен тим во Милано конечно свеж, откако во претходната рунда испадна од Лигата на Европа и сега има намера да обезбеди пласман во првите четири места со што би обезбедил Лига на Шампиони следната сезона.
Милан одличен и без најдобрите
Кога сите очекуваа тимот на Пиоли да падне, тие одиграа најдобро. Имајќи два поништени гола и промашувајќи некои неверојатни можности за гол, Милан може дури и да жали што не славеше во четвртокот во Манчестер против Јунајтед. Мечот од Лигата на Европа заврши 1:1 со голот на Кјаер пред крајот на мечот.
По нивниот успех за време на викендот против Верона на „Бентегоди“, очекувањата беа пораз од Јунајтед бидејќи милан играше без неколку клучни офанзивци во тимот. По оние две недели без победа, Милан повторно е одличен и се враќа во препознатливата форма.
Сепа, иако Милан е непоразен на последните четири првенствени натпревари против Наполитанците, последната победа на домашен терен против нив во Серија А беше во декември 2014 година – од тогаш тие имаат два порази и три нерешени натпревари на домашен терен против нив.
И на овој меч Пиоли нема да може да смета на Ибрахимович, Ребич и Манџукиќ во нападот, но позитивно за нив е враќањето на Чалханоглу кој веројатно ќе се најде во стартниот тим.
Наполи мора да почне да победува на гости
Во пресрет на критичната фаза од сезоната, кога се очекува да се соочат со низа на големи ривали, Наполи нема пораз на три натпревари во лигата и пристигнува во Милано свеж од одморот во средината на неделата откако минатиот викенд славеа над Болоња со 3:1.
Инспиративниот капитен Лоренцо Инсиње ја продолжи својата форма со четири гола од неговите последни пет настапи, додека Виктор Осимхен, кој беше повреден се врати со прв гол на минатиот меч уште од ноември.
Во често отсуство на други фудбалери поради повреди и болести, Инсиње моментално е водечки стрелец на клубот со 12 голови во лигата и јасно е дека токму тој го одржува тимот на местата кои сеуште се во трка за Лигата на Шапиони. Наполи е на 6-то место со пет бода помалку од Аталанта која е на 4-то место.
Нивните следни три гостувања може да се покажат решавачки сезонава, бидејќи по Милано, тие мора да ги посетат Јувентус, а потоа и Рома. Додека до крајот тие треба да играат и против Интер и Лацио.
Соочен со ваква тешка серија на натпревари, Наполи некако мора да најде начин да ја прекине серијата без победи на гостински терен, која се протега на почетокот на јануари, кога тие победија против Удинезе на Дачија Арената.
Dobar tip za milan