Ливерпул и Лајпциг ќе се вратат на Арената Пушкаш во Будимпешта на реваншот од нивниот натпревар во осминафиналето од Лигата на шампионите. И првиот меч меѓу двете екипи се одигра на истиот терен, бидејќи и двете екипи поради ковид протоколите не можат да бидат домаќини во своите земји.
„Црвените“ влегуваат во мечот со предност од 2:0 од првиот натпревар, што ги прави огромни фаворити за веќе четврта година по ред да обезбедат пласман во четвртфиналето.
Ливерпул се полош и полош
Ливерпул има страшна сезона во буквална смисла на зборот, а првиот натпревар меѓу двете екипи на 16-ти февруари беше можеби единствена светла точка во 2021 година досега.
Тие никогаш порано не биле исфрлени од ова натпреварување по победа на гостински терен во првиот меч. Но сега ќе ја немаат предност на домашен терен.
„Црвените“ исто така не загубија ниту еден од нивните претходни 20 „домашни“ натпревари против германски екипи, победија на 16 и ремизираа четири со збирен резултат 52:9, иако е тешко да се класифицира овој натпревар меѓу останатите со оглед на тоа што ќе се игра во Унгарија.
Сега, Клоп и неговите играчи веројатно се задоволни што овој натпревар се игра толку далеку од Ливерпул со оглед на тоа што тие ги загубија последните шест натпревари на „Енфилд“ – што е најлошата серија во 129-годишната историја на клубот.
Најновиот од нив беше поразот минатиот викенд со 0:1 на гостувањето кај Фулам, што значи дека Ливерпул даде само еден гол на последните седум домашни натпревари и тоа против Сити при поразот од 1:4.
Сите пет победи на Ливерпул оваа календарска година се надвор од „Енфилд“, но нивната општа форма ги загрижува навивачите дури и пред овој меч, без разлика што црвените имаат предност од два гола.
Лајпциг се надева и верува во пресврт
Од друга страна Лајпциг се наоѓа во одлична форма. Фудбалерите на Лајпциг беа казнети на првиот натпревар кога по грешки како да ги подарија двата гола на Ливерпул, но од тој пораз тие беа беспрекорни со четири победи од четири натпревари.
Овој тек на формата е доволен тимот на Нагелсман да го одржува притисокот на врвот на Бундеслигата, со само два бода помалку од лидерот Баерн Минхен, а се пласираа и во полуфиналето на Купот на Германија.
Евентуалниот пресврт против Ливерпул би го одржувал во живот малку веројатно тројниот сон и со осум победи и шест дуели без примен гол од последните девет натпревари низ сите натпреварувања, тие имаат право да се надеваат на таков подвиг.
Лајпциг и на првиот меч изгледаше подобар на теренот, со повеќе и подобри шанси пред противничкиот гол. Секако, елиминација на шесткратниот победник во ова натпреварување Ливерпул би бил еден од нивните најголеми дострели досега, а дефинитивно тие можеби нема да најдат подобро време да ги одмерат силите со „црвените“ на гостински терен.
Be the first to comment