Борусија Дортмунд е пред пласман во четврт-финалето од Лигата на шампионите. Вечерта ја пречекуваат Севиља во реваншот од осминафиналето на Сигнал Идуна Парк, а имаат предност од 3:2 по првиот меч во Шпанија.
Германскиот гигант минатиот месец забележа победа над шампионот на Лигата на Европа и сега се фаворити за пласман во осминафиналето на ова натпреварување.
Дортмунд со убава предност
Дортмунд губеше уште во 7-та минута на гостувањето кај Севиља во првиот натпревар на „Естадио Рамон Пискуан“, но Махмуд Дахуд го израмни резултатите во 19-та минута пред Халанд да забие двапати уште пред полувремето.
Севиља во вториот дел успеа само да намали преку Лук де Јонг за да си даде шанса пред реваншот, но и тие се свесни дека е тешко да се игра во Германија, особено кога треба да се брка негатива.
Дортмунд собра 13 поени од своите шест натпревари во групата Ф и се најде на првото место во својата група. Тие всушност имаат девет победи во последните 14 европски натпревари што е одлична низа на позитивни резултати.
Минатата сезона, гигантите во Бундеслигата се пласираа во осминафиналето, губејќи од финалистот ПСЖ и тие неаат напредувано во четврт-финалето од сезоната 2016-17, кога беа поразени од Монако.
Избраниците на Един Терзиќ ќе влезат во мечот по тешкиот дуел и поразот од Баерн Минхен во Бундеслигата со 4:2, што ги остави на шестата позиција на табелата, со четири бода помалку од екипите кои се на првите четири места кои водат во Лигата на Шампиони следната сезона.
Тоа значи дека освен овој меч, Терзиќ е насочен и кон домашниот шампионат и јасно е дека тимот го очеква напорна работа за да се избори за своите цели.
Севиља е поуспешна против германските екипи, но …
Севиља е далеку од посакуваната форма, бидејќи загубија четири од последните пет натпревари во сите натпреварувања, вклучувајќи го и шокантниот пораз со 2:1 на гостувањето кај Елче во Ла Лига во саботата.
Тимот на Лопетеги има само три бода повеќе од петтопласираниот Реал Сосиедад во Шпанија, па веќе загрозен им е и пласманот во европската елита и следната сезона. Освен тоа, тие во оваа негативна серија загубија со 3:0 од Барселона во реваншот од полуфиналето на Копа дел Реј и испаднаа, а на првиот меч имаа победа од 2:0.
По се изгледа на Севиља и одговара само Лигата на Европа. Шпанскиот тим е најуспешниот тим во историјата на Купот на УЕФА / Лига Европа, освојувајќи го европското натпреварување во шест наврати, вклучувајќи ја и титулата минатата сезона. Но тие немаат позабележителен резултат во Лигата на Шампиони.
Тимот на Лопетеги импресионираше во групната фаза оваа сезона, собра 13 поени за да заврши на второто место зад Челзи во групата Е. Интересно, тие загубија само шест од своите 24 натпревари против германски екипи во европските натпреварувања, што ќе им даде мотив во овој натпревар
Be the first to comment