Тотенхем ја заокружува 2020 година со домашен натпревар во Премиер лигата против лондонскиот ривал Фулам во среда вечерта. Мурињо сака да ја комплетира солидната година со победа, но Фулам доаѓа во незгодно време за Спарс кој влезе во лоша серија во последните две недели.
Мурињо не губи два меча по ред на домашен терен
Спарс уживаа во главно позитивни 12 месеци под водство на Жозе Мурињо, но тие се без победа на четири првенствени натпревари по ред со што се лизнаа на табелата.
Тотенхем се најде на врвот во Премиер лигата по победата од 2:0 над лутиот ривал Арсенал на 6-ти декември, но оттогаш тие испаднаа од најдобрите четири. Сега се наоѓаат на седмото место со шест бода помалку од лидерот Ливерпул.
Гостувањата кај Кристал Палас и Вулверхемптон донесоа само нерешени резултати, а тука во оваа серија се и поразот од Ливерпул на гости и од Лестер на домашен терен.
Мурињо не можеше да ја скрие својата фрустрација откако испушти два поени против „Волците“ во неделата. Неговиот тим навидум лесно ја чуваше предноста стекната уште во првата минута преку Ндомбеле, но Ромен Саис во 86-та минута ги постави конечните 1:1.
За помалку од еден месец, прашањето дали се врати „стариот Мурињо“ доби поинакво значење, со тоа што португалецот сега од никаде се соочува повторно со притисок.
Единствениот начин да се запре падот на табелата е победа на домашен терен против Фулам, во овој деветти и последен натпревар за нив во преполниот со натпревари, месец Декември.
Фулам со подобрени перфоманси
На Фулам им се потребни бодови од друга причина бидејќи влегуваат во овој натпревар од зоната за испаѓање и покрај подобрените перформанси во последно време.
Сепак, момците на Скот Паркер барем не губат во последно време забележувајќи четири нерешени резултати во серија, вклучувајќи нерешено 1:1 со шампионот Ливерпул. Но Фулам како да има проблем по традиција кога игра со Спарси. Тие имаат 10 порази на послендите 11 натпревари меѓу овие две екипи. Единствената победа во таа серија за Фулам беше на Вајт Харт Лејн во месец Март 2013 година.
Паркер е свесен за тоа и најави претпазлива игра, а јас под тоа подразбирам дефанзива. Мислам дека Фулам ќе биде среќен доколку остане непоразен на овој меч.
Можна почетна постава на Тотенхем:
4-2-3-1 – Љорис; Ауриер, Алдерваирелд, Родон, Регулион; Хојбјерг, Ндомбеле; Бергвиј, Али, Сон; Кејн
Можна почетна постава на Фулам:
3-5-2 – Ареола; Аина, Андерсен, Адарабиојо; Кордова-Рид, Лемина, Ангуиса, Лофтус-Чик, Робинсон; Лукман, Митровиќ
Be the first to comment