Вулверхемптон и Челси ќе се обидат да се вратат по поразите во Премиерлигата во текот на изминатиот викенд кога двете екипи загубија од Астон Вила и Евертон. Сега двата тима сакаат бодови, но мислам дека гостите се многу поблиску до нив.
Вулвс никако да ја пронајде посакуваната форма
Додека враќањето на Раул Хименез во тренинг комплексот беше прилично возбудлив момент за тимот на Нуно Еспирито Санто, верните „Волци“ немаа за што друго да се радуваат викендов кога ја пречекаа Астон Вила во Молинекс.
Вулвс одигра чуден натпревар со Астон Вила на домашен терен. Речиси израмнет натпревар одиграа двете екипи, со тоа што Вулвс беше малку поконкрентен. Астон Вила во 85-та минута доби црвен картон и кога сите помислија дека мечот ќе заврши 0:0, или со победа на Вулвс, гостите дадоа гол за 0:1.
Избраниците на Нуно сега можат да се пофалат само со една победа од последните пет меча – импресивниот триумф од 1:2 кај Арсенал. Затоа, не е ни чудно што уи покрај високите амбиции, Вулвс се наоѓа на очајното 13-то место.
Загубата на Хименез секако имаше поразително влијание врз напаѓачката моќ на Волците, кои останаа со 18-годишниот Фабио Силва кој и покрај рекордниот трансфер од 50 милиони евра, не покажа ама баш ништо до сега. Тинејџерот ќе мора брзо да се прилагоди на Премиер лигата, освен ако Санто не се реши да донесе уште еден центарфор во јануарскиот преоден рок, што не би било никакво изненадување.
Челзи загуби минатото коло, но без голема штета
Едуард Менди ја зачува својата мрежа на пет од осум натпревари во Премиер лигата, пред „сините“ да отпатуваат на „Гудисон Парк“.
Пеналот врз Доминик Калверт Левин во првото полувреме кој го реализираше Гилфи Сигурдсон, а тоа беше доволно за минимална победа на плавите од Ливерпул.
Со тој пораз заврши серијата на Челси во 14 натпревар без пораз во сите натпреварувања по поразот во Купот на ЕФЛ од Тотенхем, а тимот на Лампард загуби за прв пат во Премиер лигата откако соседите на Евертон, Ливерпул, уште во септември славеа на „Стемфорд Бриџ“ со 0:2.
Сепак, и Ливерпул и Тотенхем не беа во можност да го искористат поразот на Челзи и не славеа во своите натпревари, иако Лестер Сити во неделата успеа да победи со 3:0 над Брајтон – што значи дека момците на Лампард се најдоа надвор Топ 4 екипите. Сепак Челзи е на само три бода помалку од лидерите Тотенхем и Ливерпул и сеуште со огромни шанси за шампионската титула.
Be the first to comment