Време е за Ел Класико. Реал Мдрид е домаќин на Барселона во најинтересните натпревар овој викенд. Барса е лидер на табелата откако ја искористи слабата форма на Реал, но домаќинот се надева дека ќе избие повторно на првото место по ова коло.
Меч од огромна важност за сезоната на Реал Мадрид
Настаните од оваа недела го прават ова Ел Класико уште поважен од она што би требало да биде нормалниот за Реал Мадрид.
Екипата на Зинедин Зидан беше совладана со 1:2 дома од Манчестер Сити во Лигата на шампионите во средата, при што гостите се вратија од негатива за да слават победа. Со слаб Серхио Рамос кој покрај слабата игра доби и црвен картон со што ги руши рекордите околу картоните во Европа, не можеше да е очекува ништо друго. Сити не беше надмоќен, но беше стрплив и победи со голови за само пет минути. Поразот значеше дека Реал победил само на еден од последните пет натпревари (една победа, едно реми и три порази). Ако испаднат од Лигата на шампионите, тогаш целата сезона ќе почива на освојувањето на Ла Лига. Но Реал одигра само 2:2 со Селта пред две кола, а минатиот викенд доживеа пораз од Леванте со 1:0 на гости. Овие резултати беа доволни за Реал да и го препушти лидерското место на Барселона.
Од таму, овој меч е од огромна важност за нив, а ќе мора да играат без Марко Асенсо и Еден Хазард кои и понатаму се надвор од стројот поради повреда.
Сетиен ќе се врати на 4-3-3
Барселона се соочува со различен вид на притисок. Тие би можеле да дојдат до пет бода предност со победа и да ги деморализираат најголемите ривали. Но се чини дека Сетиен ќе биде задоволен и со реми, како би ја зачувал предноста од два бода.
Победа ќе биде голема награда за него кој навистина се труди да покаже дека бил добар избор за ормилар на Барса. Тие не изгледаа импресивно во ремито 1:1 со Наполи во Лигата на шампионите оваа недела, бидејќи Квик Сетиен направи тактички нереални потези.
Но Барселона победи во последните четири во Ла Лига, од кои три меча беа дома. На гости тие беа далеку послаби и имаат само една победа на последните четири гостувања.
Сетиен се реши да ја промени формацијата на Барса од 4-3-3 во 4-4-2 и погреши, но сега веројатно ќе се врати на препознатливата формација за Барса. Ансу Фати би можел да биде освежувањето ако Сетиен се врати на 4-3-3, со Артуро Видал и уште еден играч што ќе игра подефанзивно покрај него.
Be the first to comment