Фудбалската репрезентација на Македонија за играчи до 21 година по убедливата победа кај Казахстан со 1:4 осоколена на домашен терен ги чека врсниците од Израел. Македонија е втора во групата и целта до крајот е да се задржи таа позиција, па со малку среќа да обезбедиме ново учество на младинското Европско Првенство.
Да ја завршиме нашата задача, па после математика
Велиме со малку среќа, бидејќи ниту втората позиција може да се покаже како недоволна. На шампионатот одат првопласираните селекции од сите групи и најдобрите пет второпласирани селекции од деветте групи. Во моментов Македонија е последна од второпласираните, па мораме да славиме на сите натпревари до крајот и да се надеваме на поволни резултати од останатите групи. Постои можност за нешто такво, а Милевски и момците треба да си ја завршат својата работа, па после да мислат на останатите резултати и на математиките. Реално, имаме квалитет за три победи на послендите три меча, но еве прво треба да славиме со Израел на домашен терен, па потоа на гости кај истиот противник и на крајот дома со Црна Гора.
Милевски има проблеми во дефанзива, но нема простор за паника
Македонија одигра одличен меч во Казакстан и ако го преслика тој дуел би требало да слави со Израел кој не е баш во најдобра форма. Но Милевски има проблеми со одбраната откако капитенот и најдобриот централен бек Руфати доби жолт картон и е суспендиран за овој меч ( прекомандуван е во сениорската репрезентација за мечот со Грузија ). На негово место беше повикан Илиевски од Пелистер, но во првиот тим би требало да бидат Личина и Стефановски. И двајцата добро се покажаа кај младинците до сега и не би требало да дозволат да се осети отсуството на Руфати. Сите останати фудбалери се спремни и осоколени за победа, а тоа го најавија и Чурлинов, Митревски, Атанасов, Здравовски … геннерација која ветува и екипа која може до уште еден голем шампионат.
Израел се соочува со проблеми во составот
Израел е на третото место со 11 бода, два помалку од Македонија и јасно е дека овие два меча, еден по друг се важни за нив, исто како и за нас. Два меча кој ќе одлучат кој ќе биде втор на крајот. Имаат три победи над Фарски Острови, Казакстан и Црна гора пред неколку дена, две ремија со Шпанија и Црна Гора дома и два порази од Фарски и Казакстан. Токму тие два порази ни даваат голема надеж дека може да славиме над Израел. Тие победија во Црна Гора со 1:2 пред неколку дена, но не беа надмоќни и имаа среќа. Ќе играат без својот капитен Лако кој е позитивен на Ковид-19, како и без двајца стандардни првотимци кои се повредени. Освен тоа суспендиран е дефанзивецот Шломо кој е стандарден во Макаби Тел Авив.
Коефициентот за Македонија постојано опаѓа
Сепак, Израел има добри фудбалери кои играат со успех во најдобрите тимови во земјата и македонските репрезентативци никако не смеат да се опуштат порад овие информации и проблеми кај Израел.
Букмејкерите прво доделија речиси израмнети коефициенти, но како да се предомислуваат па сега коефициентите се значително променети. Така, за Македонија коефициентот беше околу 2.20, но сега е во постојано опашање и е околу 1.75. За Израел пак беше 2.80, а сега е дури 4.00.
Be the first to comment