Лион е домаќин на Јувентус во првиот меѓусебен дуел од 1/8 финалето на фудбалската Лига на Шампиони. Нема дилема во тоа кој е фаворит во овој двомеч, но на овој прв натпревар свои шанси си има и Лион.
Јувентус е голем фаворит
Јувентус сака да ја освои титулата во Лигата на Шампиони, а реално имаат потенцијал за такво нешто. Од таа гледна точка, Лион не би требало да претставува посериозен проблем за тимот. Единствен проблем за нив е тоа што тие сезонава конечно имаат силна конкуренција во Серија А. Тоа не беше случај минатите сезони и тие можеа целосно да се посветат на европските натпревари, но и тоа не беше доволно за трофеј. Сега ќе им биде потешко, бидејќи Интер и Лацио се веднаш зад нив во Италија. Но имаа среќа при жрепката и добија екипа која има навистина слаба сезона. И на овој прв меч Јуве е голем фаворит и покрај тоа што е гостин.
Единствена предност на Лион, е слабата гостинска форма на Јуве
Извесен недостаток на класа и карактер ги мачи сите француски екипи во европска конкуренција оваа сезона. Стразбур беше исфрлен од Лигата на Европа за време на квалификациите, Рен и Сент Етјен испаднаа од групната фаза во истото натпреварување, а Лил на ист начин се прости од групната фаза во Лигата на шампионите. ПСЖ пак загуби со 2:1 од Борусија Дортмунд во првиот натпревар од 1/8 финалето во Лигата на шампионите минатата недела.
Постојат малку причини да веруваме дека Лион ќе ги промени работите. Руди Гарсија допрва треба да се снајде во тимот по преземањето во месе октомври. Тие имаат лоша сезона и моментално се наоѓаат дури на 7-то место во Лига 1. Од почетокот на 2020 година тие се подобрија па имаат седум победи, три ремија и само два порази годинава. Во групната фаза беа втори зад Лајпциг, а пред Бенфика и Зенит кои заостанаа со само еден бод.
Јувентус беше лидер во групата Д пред Атлетико Мадрид благодарение на импресивниот настап и петте победи со само едно реми. Единствената надеж за Лион е тоа што гостинската форма на Јувентус не е совршена. Бјанконерите имаат само една победа и едно реми од нивните последни четири натпревари во Серија А на гости, со порази кај Верона и Наполи со идентични 2:1.
Гарсија со офанзивна формација, но со дефанзивен пристап
Најновите информации од таборот на домаќините укажуваат на тоа дека Лион можеби ќе користи формација 3-4-3 или 3-4-1-2 во обид да ги потисне напаѓачките инстинкти на Јувентус. Но и покрај тоа што формацијата изгледа офанзивно, тоа ќе биде само на хартија. На теренот, во дефанзива крилата ќе се повлекуваат пред својот шеснаесетик и тоа повеќе ќе наликува на формација со пет во одбрана. Руди Гарсија ја тестираше формацијата минатиот викенд на гости кај Мец и славеше со 0:2. Лион изгледаше добро на теренот и без разлика што Мец и Јувентус не се споредуваат, тој ќе настапи на ист начин, но со подефанзивна ориентација.
Гарсија е свесен дека е аутсајдер и ќе се обиде да го искористи потенцијалот на Муса Дембеле кој сезонава постигна 20 гола за екипата. Тој заедно со Хусем Ауар дефинитивно ќе бидат гкавни на теренот.
Можеби најдобар играч на Лион во текот на групната фаза беше Депај. Холандскиот интернационалец постигна пет од деветте гола на Лион. Но тој е повреден и тоа е голем хендикеп за Лион. Без него, тешко е да се види како Лион може да му парира на Јувентус.
Be the first to comment