22-то коло во германската Бундеслига ќе стартува со натпреварот Борусија Дортмунд – Ајнтрахт Франкфурт кој на програмата е во петок. Ќе биде ова интересен меч, а според игрите на двата тима во последно време, можеме да очекуваме и доста ефикасен натпревар.
Дортмунд е очаен во одбраната
Откако првите две екипи на табелата Баерн Минхен и Лајпциг одиграа нерешено во меѓусебниот дуел минатиот викенд, Борусија Дортмунд пропушти огромна можност да им се доближи по поразот од 4:3 против Баер Леверкузен. Тие водеа со 1:2 и со 2:3, но нивните стари дефанзивни проблеми повторно се појавија, бидејќи примија два брзи и лесни голови за само една минута. Неодамнешниот трансфер на Емре Џан постигна гол на своето деби за овој клуб во Бундеслигата, а самиот тој зачудувачки и вознемирувачки после натпреварот посочи во интервјуто дека неговите нови соиграчи навистина не знаеле како да постават дефанзивно.
Нападот функционира беспрекорно
Но барем добро работи напаѓачкиот дел од тимот на Дортмунд. Екипата на Лусиен Фавре има постигнато 20 погодоци на пет натпревари во 2020 година, но попусто кога дефанзивата е очајна. Со таков напад, едноставно звучи неверојатно тоа што Дортмунд има три победи и два порази во 2020 година. Санчо игра неверојатен фудбал (директно е инволвиран во 25 од 59-те гола на Дортмунд во лигата), а Ерлинг Халанд на петте натпревари за Дортмунд постигна неверојатни осум гола. Со тоа тој има дури и подобар просек во германската Бундеслига, отколку што имаше во Австрија.
Ајнтрахт одличен по зимската пауза
Ако за некоја екипа може да се каже дека зимската пауза беше добредојдена, тоа е секако екипата на Ајнтрахт Франкфурт. Тие беа во една крајно лоша серија пред паузата и имаа шест порази и едно реми во серија. Но после паузата забележаа четири победи и едно реми, меѓу кои и победа во Купот ДФБ над Лајпциг од 3:1. Го победија Лајпциг и во лигата, а забележаа победи и над Хофенхајм и Аугсбург, а одиграа реми со Дизелдорф во овој пеколен распоред за нив. Особено импресивна беше победата минатото коло над Аугсбург со 5:0.
Костиќ и Чендлер се разиграа
Лево-крилниот играч Филип Костиќ влезе во добра форма и почна да игра онака како што и сите очекуваа од него. Тој постигна пет гола на последните четири натпревари, а пак американецот Тимоти Чендлер кој е бек постигна четири голови на последните пет меча. Обично, головите на Чендлер се ретки но тој иако игра како бек, доста е расположен пред противничкиот шеснаесетик.
Но Франкфурт се уште е ранлив на нивните гостувања. Тие загубија пет од последните седум гостински натпревари во лигата и беа ужасни во последниот натпревар на гости во ремито 1:1 со слабата Фортуна Дизелдорф.
Be the first to comment