По победите минатото коло и Вест Хем и Ватфорд екипи се одалечија од Астон Вила и Бурнемут за по три бода, а со евентуална победа на овој меѓусебен меч една од екипите ќе избори сигурен опстанок во лигата. Во некои варијанти двата тима можат да се задоволат со реми, но тоа може да биде опасно за нив.
Двете екипи завршија одлична работа минатите две недели
Многу е веројатно дека ниту една од екипите нема да се најде во опасната зона, а голема е веројатноста дека и во најлошото сценарио би биле пред Бурнемаут само поради подобрата гол разлика.
Алтернативно, ако и Бурнемут и Астон Вила ги загубат мечевите викендов, тогаш победникот од лондонскиот стадион во петок ќе биде сигурен, а за поразениот би требало да се случи чудо за да испадне. Се на се, јасно е дека пред овој меѓусебен меч двете екипи се во добра позиција во однос на конкурентите, но во секој случај ниту едните ниту другите не сакаат да остават ништо на случајноста.
Различните потенцијални сценарија на некој начин ја отежнуваат анализата од обложувачки аспект на натпреварот со голема сигурност, но она што од сега веќе го знаеме е дека победата ќе носи големи награди.
Чеканите се благи фаворити
Одличен меч одигра Вест Хем минатата недела славејќи над Норвич на гости со 0:4 и на тој начин заврши голема работа.
Тие ја завршија победничката суша со победата од 3:2 на домашен терен кај Челси по што одиграа нерешено 2:2 кај Њукасл, што значи дека освоија седум бода од можните 12 на последните четири натпревари.
Шесте голови на Антонио во овие четири натпревари се клучни и тој повторно ќе биде фудбалер на кого треба да се обрзне особено внимание.
Ватфорд со две победи по ред
Ватфорд беше позади Бурнемут и Астон Вила, но откако славеше на двата последни дуели побегна за три бода. Забележаа победи од по идентични 2:2 над Норвич и Њукасл и сега се многу помирни. Чудна е оваа сезона за тимот кој рушеше негативни рекорди на почетокот на сезоната кога долго време ја бараше својата прва победа. Да потсетиме, првата победа на забележаа дури во 12-то коло, а до тогаш го имаа и оној катастрофален пораз од Сити со 8:0. По неколкуте промени во тимот, сепак дојдоа позитивни серии, а токму таква серија е можна и на крајот од сезоната, особено по двете победи по ред.
Ангажманот на Дани Велбек се покажа како клуќен потег на Најџел Пирсон. Поранешниот репрезентативец на Англија додаде нешто дополнително во офанзивата, нешто што фалеше кај оваа екипа. Ако рековме дека Антонио е клучен фудбалер кај Вест Хем, во Ватфорд тоа е Велбек.
Be the first to comment