Тотенхем е домаќин на Манчестер Сити во дербито на колото во Премиер Лигата. По овој меч остануваат само уште 13 натпревари и се чини дека надежите на Спарс за настап во Лигата на Шампиони следната сезона исчезнуваат, онака како што веќе исчезнаа надежите на Сити за одбрана на титулата.
Головите се проблем на Спарси кои имаат и свежи сили
Хари Кејн е повреден, овој пат долгорочно и за разлика од еден сличен период минатата сезона, Сон не го надополни неговото отсуство со голови.
На нивните четири натпревари во Премиер лигата во 2020 година тие не успеаја да постигнат гол на три средби, а единствениот гол го дадоа против слабиот Норвич. А дури сега стартува еден пеколен период за овој тим, со оглед на тоа што за две недели продолжува и Лигата на Шампиони каде Спарси играат против Лајпциг.
Крилото Стивен Бергвијн може да го има своето деби во овој дуел откако пред неколку дена стигна од ПСВ Ајндховен. Репрезентативецот на Холандија може да биде голема свежина за тимот кој изгледаше презаситен и без преголема конкуренција која и тоа како му е потребна на Мурињо. Тој заедно со Фернандес кој дојде од Бенфика и веќе одигра три меча за Тотенхем може да ги промени раборите кон подобро.
Потпишувањето на Џовани Ло Целсо со постојан договор е исто така од големо значење за тимот, а токму тој изгледа импресиониран во последните неколку недели и изгледа како добра замена за Кристијан Ериксен кој замина во Интер.
Сепак, се чини дека трансферите на Спарси се повеќе со долгорочно значење, а не за моментален блесок.
Сити продолжува да потфрлува
Манчестер Сити кој моментно е на второто место на табелата е далеку од шампионскиот трофеј.
Додека шампионите веќе на некој начин ја предадоа титулата, тие се уште се во потрага по трофеј во купот и нивните размислувања може да бидат фокусирани на поразот од средата на домашен терен од Манчестер Јунајтед во Карабао Купот. Но Сити славеше на гости со 1:3, па обезбеди финале. Тимот на Пеп ќе се соочи со Астон Вила во финалето на 1-ви март.
И Тотенхем и Сити очајни против екипите од Топ 7
Но дуелот со Јунајтед беше дополнителен доказ за тоа како подобрите екипи од Премиер лигата веќе успеваат да му парираат на милионскиот тим.
Јунајтед победи на „Етихад“ и во лигата и билансот на Сити против најдобрите седум оваа сезона е слаб – 2-1-4, а на гости тие ги изгубија и двата вакви натпревари.
Добрата работа за нив е што билансот на Спарси против елитата е уште полош.
Спарси освоија само еден поен од можните 18. На домашен терен загубија со 0:1 од Ливерпул и 0:2 од Челзи.
Пеп пред натпреварот ќе знае дали ќе може да смета на Америк Лапорте, Фернандињо и Бенџамин Менди, иако нивните проблеми полека поминуваат.
Фактот што толку многу шанси беа создадени против Јунајтед е позитивен за Сити, кој ќе започне веќе да размислува за Лигата на Шампионите и мега дуелот со Реал Мадрид.
Be the first to comment