Откако погодивме дека првиот гостин на Копа Америка, Катар, ќе остане непоразен во првиот меч, сега не можеме истото да го најавиме за Јапонија. Има еден куп причини да веруваме во подеба на Чиле и во еден просечен настап на Јапонија на целиот шампионат.
Јапонија се спрема за ЛОИ во Токио
Време е да ги анализираме и вторите специјални гости на Копа Америка кои ќе го одиграат својот меч во понеделник вечерта, кога Јапонија ја започнува кампањата во Група Ц против Чиле во Сао Паоло. Јапонија еднаш веќе играше во ова натпреварување, уште во 1999 година.
Како и неколку други нации, така и самураите го користат ова првенство како можност за форсирање на некои млади играчи. Имено, Јапонија сега го создава тимот кој треба да настапи на следните летни Олимписки игри во Токио.
Внимавајте на Кубо кој го нарекуваат “Јапонскиот Меси”
Селекторот Мориасу веќе долго време токму Олимписките игри ги поставува како прв приоритет. Олимпискиот фудбалски турнир е за играчи на возраст под 23 години (плус неколку фудбалери кои можат да ја надминат таа граница), па затоа не е изненадување што тимот на Јапонија во Бразил е млад во екстремната форма.
Синџи Окакаки, Гаку Шибасаки и Аиџи Кавашима не се непознати на меѓународната сцена, со близу 150 настапи помеѓу нив. Но, на другите позиции ова е состав на непознати имиња, а со тоа и нивните очекувања не се премногу високи. Сепак, вреди да се внимава на еден играч: Такефуса Кубо кој е етикетиран како “Јапонскиот Меси”. Тој ја има поминато познатата школа на Барселона, Ла Масија и само што потпиша за Реал Мадрид.
Последна шанса за оваа генерација на Чиле
Ако Јапонија е млада и неискусна, кај Чиле приказната е сосема спротивна. Чиле може да стигне и до шампионската титула и тоа не би требало да биде изненадување. Всушност, два пати оваа генерација беше многу блиску до голем успех, а сега дел од фудбалерите кои го носат товарот на тимот се при крај на своите кариери и ова можеби е последна шанса за нив.
Повеќето од ветераните кои долго време се носители во Чиле се уште се присутни и добри. Алексис Санчез, Артуро Видал, Гери Медел, Жан Безаџур и Гонзало Јара. Но истите тие кои беа многу блиску до успеси со репрезентацијата, не успеаја да се квалификуваат на СП во Русија и сега бараат очајна шанса за успех. Во спротивно, јасно е дека тимот целосно ќе се реновира.
Руеда со огромно искуство и секогаш со некое изненадување
Тренерот Реиналдо Руеда има завидна биографија – тој предводеше три различни нации на Светските првенства и секога има некои добри идеи, но е фрустриран поради тенденцијата на локалните медиуми да паничат при првиот знак на потешкотии. Во посебен недостаток на нови таленти за да ја заменат златната генерација, тој остана на речиси истиот тим со многу мали освежувања.
Чиле ќе игра со многу формациски ротации. Во дел од натпреварите ќе игра со еден напаѓач, во дел со двајца, па и со тројца. Истото ќе се случува и со одбраната, а токму тие ротации го размруваат противникот кој тешко се привикнува на нивната игра. Тоа, е најголемата предност на Чиле на овој шампионат, секако покрај Санчез кој секогаш игра добро за репрезентацијата.
Наш предлог:
Be the first to comment