30-то коло во англиската Премиер Лига ќе се комплетира со големото дерби помеѓу Арсенал и Манчестер Јунајтед. Двете екипи си имаат одредени проблеми, но Солскер во моментов се снаоѓа многу подобро од Емери на клупата.
Манчестер Јунајтед на маки поради повредени фудбалери
Последните извештаи од лекарскиот тим на Манчестер Јунајтед покажуваат дека Валенсија, Дармијан, Лингард, Мата и Санчез се дефинитивно надвор од стројот. Освен тоа Ерик Баили, Фил Џонс, Немања Матиќ, Андер Херера и Ентони Марсијал сеуште заздравуваат. Дури и некој од нив да настапи на овој меч, јасно е дека нема да може да одигра на високо ниво 90 минути. Сепак, човекот на клупата на Манчестер Јунајтед во Париз го докажа дека секогаш може да се најде заменско решение. Истите фудбалери беа надвор од стројот и против ПСЖ, па Јунајтед славеше со 1:3. Солскер покажува голема верба во младоста во тимот и не се плаши најмладите да ги вметне во првите 11.
Позитивно во однос на мечот со ПСЖ е тоа што во тимот се враќа Пол Погба кој не играше во Париз поради суспензија. Тој ќе се врати во центарот на средниот ред, иако останува да се види кој систем ќд го користи Солскер. Откако претходно играше 4-3-3, во средината на неделата тој користеше 4-4-2 во Париз. Во првиот дел Јунајтед имаше проблем со широката формација 3-4-3 која ја играше ПСЖ. Но Солскер добро ги затвори страничните позиции во вториот дел.
Овој проблем главно исчезна кога Ерик Баили беше преместен на десната бековска позиција, а Диего Дало повеќе играше на конвенционалната десна позиција. Сепак, сега има мали шанси да се користи Баили повторно на десната страна.
Солскер продолжува со формација 4-4-4 и покрај повредите
Првиот избор на Солскер е формацијата 4-3-3. Но во големите натпревари како против Арсенал, Челзи и Ливерпул, Солскер во суштина игра со лажна деветка со два крилни напаѓачи кои најчесто влегуваат во шеснаесеттикот.
Во победата во ФА Купот на Емирати, Ромелу Лукаку беше одличен од десно ориентираната позиција и можеби ќе има слична улога на овој меч. Ако биде така, тогаш тој ќе игра со Андрес Переира како лажна деветка. Сепак, Лукаку постигна по два гола на последните три меча во серија па Солскер можеби нема да сака да го префрли од централно напаѓачката улога. Од лево, ќе напаѓа Маркус Рашфорд, при што Марсијал доколку биде подготвен за настап ќе ја чека својата шанса од клупата.
Погба најверојатно ќе го заземе своето место на средината, но овој пат заедно со Фред и младиот шкотланѓанец Мектоминај кој беше одличен во Париз. Ешли Јанг треба да се врати на позицијата на десен бек со Крис Смолинг, Виктор Линделф и Лук Шо од лево. Тие ќе бидат последен бедем пред голот на Да Геа.
Арсенал е ранлив на десната бековска позиција
Арсенал по еден крајно неочекуван пораз влегува во овој меч. Во Лигата на Европа, лондонскиот тим влезе како голем фаворит против Рен, но во Франција загуби со 3:1. Тимот имаше катастрофално издание, одобено во средниот ред во Рен. Сократис Папастатопулос доби црвен картон во 41-та минута од дуелот, но според играта и пред црвениот картон, веројатно конечниот исход ќе беше сличен. Грчкиот интернационалец треба да започне на овој меч, бидејќи тој беше играч на мечот против Тотенхем минатиот викенд.
Шкодран Мустафи принудно е користен на десната бековска позиција и токму таа позиција останува голем проблем за Емери. Мустафи беше одличен и на таа позиција против Рен, но само во одбраната. Во офанзивниот дел, Арсенал беше целосно отсечен на таа десна страна. Ајнсли Мејтланд-Нилс може да биде подобар избор против брзиот напад на Јунајтед, но таа дилема Емери ќе ја разреши пред почетокот на мечот. Сеад Колашинац ќе се врати лево во однос на мечот со Рен кога тој стартуваше на клупата,а тој е одличен при преклопувањето, особено кога комбинира со Алекс Ивоби.
Ќе има промени во средниот ред
Лукас Торреира е суспендиран, па Матео Гендузи треба да се врати заедно со Гранит Џака во средниот ред. Формацијата 4-2-3-1 против Спарс минатиот викенд беше во голема мера успешна, па затоа Арон Ремзи би можел да продолжи со својата улога во средниот ред. Месут Озил ќе стартува од клупата. Ивоби и Хенрих Михтариан треба да играат на крилата.
Емери не сака да игра со двајца напаѓачи против големи екипи, па затоа ќе настапи или со Алекс Лаказет или со Пјер-Емерик Аубамејанг. Двајцата добија по едно полувреме против Тотенхем минатиот викенд и двајцата се испромашуваа. Сега и двајцата се свежи. Лаказет не настапи против Рен, а Аубамејанг беше заменет и не одигра цел натпревар. Сепак, голема е веројатноста Емери да настапи со посвежиот, односно со Лаказет како најистурен напаѓач.
Наш предлог:
Be the first to comment