Време е за Ел Класико. Во првото големо дерби сезонава Барса е доаќин на Реал Мадрид и ја има фаворитската улога, откако тимот на Зидан доживеа два неочекувани порази по ред. Ќе биде тешко Реал да се врати на победите токму на овој меч.
Куман брзо се врати на победите по киксот минатата недела
Минатиот викенд Барса го загуби првиот натпревар во сезоната во Ла Лига, кога беше поразена со 1:0 кај Хетафе. Поразот на гости е позната приказна за Барселона, по лошата форма минатата сезона на гостувањата. Исто така, Роналд Куман ги изостави Филипе Кутињо и Ансу Фати, со цел да бидат свежи за мечот од Лигата на шампионите против Ференцварош и тоа му се удри од глава на некој начин.
Можеби ќе имаше повеќе смисла Куман да ги одмара играчите против Ференцварош дома. Кутињо и Фати беа многу добри бидејќи беа вратени свежи во почетниот состав. И двајцата играчи постигнаа гол, со тоа што Кутињо работеше исклучително напорно во неговата централна улога зад Лионел Меси .
Франциско Тринкао го започна својот прв старт десно во нападот на Барса, а португалското крило направи многу за да ја зголеми својата репутација. Тој може да биде подобра опција таму од Антоан Гризман, за кој Куман, како и оние пред него, се бори да најде соодветна улога и позиција. Алба најверојатно ќе го пропушти натпреварот поради повреда, па Серхино Дест треба да продолжи на позицијата лев бек.
Зидан под голем притисок
Само пред неколку недели Зинедин Зидан го водеше Реал Мадрид до титулата, но сега повторно е под притисок, по два катастрофални резултати во изминатата недела.
Минатиот викенд Реал Мадрид претрпе шокантен пораз на домашен терен со 0:1 од новиот прволигаш Кадиз. Зидан во средата имаше можност за брзо враќање на победите во Лигата на шампионите, но Реал уште еднаш загуби и тоа на домашен терен, овојпат од тимот на Шахтјор Доњецк кој беше десеткуван со позитивните тестови на Ковид-19.
Шахтјор победи со 2:3 и лесно можеше да постигне повеќе голови. Резултатот го придонесе за ниска самодоверба пред Ел Класико и шпекулации дека Зидан би можел да биде заменет, а веќе се спомнуваат неговите замени во имињата на Маурисио Покетино и менаџерот на Кастилја и легендата на Реал, Раул.
Be the first to comment