Македонската ракометна репрезентација го игра клучниот натпревар на Светското првенство, дуелот со Исланд кој мора да го победиме за да продолжиме во следната фаза. Но под ист императив е и Исланд, а тоа значи дека за двете селекции овој меч ќе биде како финале.
Македонија мора да победи, на Исланд му одговара и реми
Уште кога беше извршена ждрепката за Светското првенство, стана јасно дека мечот против Исланд ќе биде клучен за пласман во следната фаза на Мундијалот. Требаше да се случат изненадувања за да не биде така, а такви немаше.
Македонија го почна првенството со две победи против аутсајдерите Јапонија и Бахреин, па дојдоа поразите од фаворитите Хрватска и Шпанија. Исланд е селекција на слично ниво како и нашата па логично беше со ист учинок да влеземе во последната пресметка.
Исланѓаните имаат предност во однос на нас поради подобрата гол разлика. Tоа значи дека нив им одговара и реми, а ние не можеме да си го дозволиме тоа, мора да победиме за да го добиеме билетот за Келн.
Раул ја зачува свежината на ракометарите, но дали тоа ќе биде доволно
Рано во второто полувреме против Шпанија, Раул реши да го седне на клупа првиот тим и колку толку да зачува од свежината на играчите за дуелот со Исланд. Но првиот дел од мечот се одигра во висок ритам.
Проблемот во нашата селекција е широчината на составот, изборот за ротација е мал. Mладите ракометари од кој претежно е составена клупата го немаат потребното искуство за големи натпревари, а против Шпанија не го покажаа ниту потребниот жар за игра.
Кузмановски имаше на моменти добри игри но тоа е премалку, а пак Талевски немаше ниту еден добар момент на шампионатот досега. Кога тие двајца не ја искористија шансата, не можевме да се надеваме на ништо повеќе од тоа што го имаме во моментов.
Мора да се запре Арон Палмарсон
Скандинавскиот стил на ракомет кој го форсира и селекцијата на Исланд е отворена рана која секогаш ни задава проблеми. Токму против таков стил ќе го играме клучниот натпревар. Исланд ни е добро познат противник кој во минатото ни има нанесено болни порази, но и противник против кого имаме големи победи.
Повредата на Сигурдсон ги раздрма нивните редови, но тие многу бргу се консолидираа и почнаа да играат одлично. Затоа неговата повреда не смее да не залажува бидејќи Исланд има многу квалитетни играчи. Прва виолина на овој тим на Исланд е секако Арон Палмарсон, играч на кого мора посебно да внимаваме.
Како против скандинавскиот стил на игра !?
Наша задача е да ја неутрализираме играта на Исланд на крила, нешто што е специјалност на исландскиот стил на игра!
Ќе мора да ги сведиме техничките грешки на минимум, бидејќи Исланд нема да пропушти шанса преку транзиција да ги казни. Потребно е да се прилагодиме на нивниот брз центар и да вршиме што е можно помалку промени напад – одбрана. Тоа пак од друга страна значи дека на Македонија ќе и биде тешко да игра и на овој меч со седум ракометари во напад и со празен гол. Во тој случај, секоја евентуална грешка од наша страна речиси сигурно ќе биде казнета со гол.
Останува да видиме какво решение ќе донесе Раул. Можеби нападите ќе ги стартуваме со седум ракометари, но замената играч – голман би се реализирала многу порано од вообичаено. Или можеби, Раул повторно ќе ризикува.
Наш предлог:
Be the first to comment