Македонија гостува во Лихтенштајн во претпоследниот меч од групата во Лигата на Нации. Со победа на овој дуел ќе го обезбедиме првото место и пласманот во полуфиналето од ова натпреварување. А … победата секако не треба да биде доведена во прашање против една ваква селекција како Лихтенштајн.
Поразот од Ерменија отвори проблеми или …
Неверојатната серија на македонската фудбалска репрезентација беше сопрена, односно прекината минатиот месец во Ереван, каде Македонија беше декласиркана со 4:0. Само да потсетиме, пред тој меч Македонија имаше серија од 10 натпревари без пораз. Жалосно е што таа низа без пораз започната од гостинската победа од 0:1 против Израел во Хаифа, заврши на таков начин. Но токму тој меч против Ерменија ги покажа и проблемите во националниот тим. Реално, проблемите се тесно поврзани со менталитетот и карактерот на фудбалерите. Тое е нешто што мора да се промени доколку сакаме да се радуваме на пласман на едно големо натпреварување, а дали е можно такво нешто ќе видиме веќе на овој меч против Лихтенштајн каде сме огромни фаворити.
Македонија ќе има голема подршка од трибините
Македонија секогаш кога игра во тој дел од Европа има одлична подршка од трибините, а поред најавите нешто такво ќе не очекува и на овој меч. Се најавува повеќе од сериозна поддршка на „Рајнпарк“ стадионот во Вадуц.
Како што синоќа информираа од Фудбалската федерација на Лихтенштајн, очекуваат дури и повеќе од 1.000 македонски фанови да бидат присутни на натпреварот во Вадуц. Тоа се главно македонски иселеници од блиските Швајцарија и Австрија кои веќе според федерацијата на Лихтенштајн обезбедиле билети преку онлајн системот за продажба на федерацијата.
Многу македонски рекорди се поврзани со Лихтенштајн
Лихтенштајн е тесно поврзан со македонската фудбалска историја. Ова е држава со која досега сме одиграле највеќе официјални меѓусебни натпревари, а токму Лихтенштајн е поврзан и со неколку рекорди на македонскиот фудбал. Македонија има одличен скор во дуелите против Лихтенштајн и никогаш не загубила против репрезентите на оваа мала земја во централна Европа. Само еднаш, на 8 септември 2002 година игравме 1:1 во Вадуз, а на сите останати седум натпревари нашиот национален тим извојува победи.
Меѓусебни натпревари на Лихтенштајн и Македонија:
09.11.1996 – Лихтенштајн – Македонија 1-11
08.09.2002 – Лихтенштајн – Македонија 1-1
07.06.2003 – Македонија – Лихтенштајн 3-1
12.11.2005 – Лихтенштајн – Македонија 1-2
24.03.2017 – Лихтенштајн – Македонија 0-3
09.10.2017 – Македонија – Лихтенштајн 4-0
13.10.2018 – Македонија – Лихтенштајн 4-1
Против Лихтенштајн, Македонија ја има забележано највисоката победа во својата историја, 1:11. Исто така, токму на тој меч Македоија има уште еден рекорд. Имено, Главевски со три гола тој ден го постигна првиот, но и најбрзиот хет-трик на еден македонски репрезентативец.
Полуаматерска репрезентација
За репрезентацијата на Лихтенштајн нема што многу да се зборува. Нивниот ранкинг и нивните резултати говорат сами по себе. Од 2015 година па до денес, оваа селекција одиграла 28 натпревари и забележала само две победи и тоа една над комбинирана селекција на Катар и една во Лигата на Нации против Гибралтар. Селекцијата се состои пред се од фудбалери кои настапуваат во единствениот професионален тим во Лихтенштајн, Вадуз кој се натпреварува во Швајцарија. Потсетуваме, Македонија на првиот дуел на домашен терен славеше лесна победа со 4:1, а на овој меч за домаќинот нема да настапи единствениот стрелец на тој меч за нивната селекција Сејхал Јилдиз.
Наш предлог:
Победа на Македонија @ 1.24 во 1хBet
Be the first to comment