Бразил – Аргентина, финале пред финалето на Копа Америка. Многумина посакуваа да ги видат овие две екипи во големото финале, но тоа не е можно откако доцна во ноќта помеѓу вторник и среда тие ќе играат во полуфиналето на Минеарао стадионот во Бело Хоризонте.
Го критикуваат Тите, но веруваат во трофеј
Кога Бразил во четврт-финалниот судир со Парагвај отиде на пенали по фрустрирачкиот нерешен резултат по 90 минути, многу навивачи се плашеа од најлошото. На крајот на краиштата, Бразил беше исфрлен од Копа Америка двапати во претходните три изданија на сличен начин. Но и покрај се, овој пат приказната заврши поинаку за нив. Обвинувањата кон Тите се се поголеми, но и покрај тоа Бразил откако стигна помеѓу најдобрите четири сега сите веруваат во финале. Нема селектор кој не бил критикуван од бразилците, но како да биде поинаку кога тие едноставно не знаат да губат.
Шанса која Бразил не смее да ја пропушти
Последниот полуфинален натпревар што го одиграа во Минеарао не се одвиваше добро за нив. Но, ова е шанса за нив која не смее да се пропушти бидејќи играат дома. Како и да е тие досега не беа брилијантни, но вака или така стигнаа во полуфиналето. Можеи најдоброо го чуваа за крајот, а натпреварот против нивните најголеми ривали ќе го зголеми адреналинот во најмала рака.
Тите ќе го врати во првиот тим Касемиро, откако тој ја помина суспензијата против Парагвај, со што Алан се враќа назад на клупата. Вилијан, исто така ќе се врати во првиот тим на местото на Габриел Хесус. Овој пат има и шанса Фернандињо да го зајакне средниот ред, со специјална задача да го чува Лионел Меси.
Многу прашања околу Аргентина
Со секој поминат натпревар, истите прашања се поставуваат во врска со Аргентина. Дали можат понатаму? Дали е тоа вистинскиот систем? Дали некој најде начин да го отклучи затворениот потенцијал на Лионел Меси во овој тим? Расположението е дефинитивно малку поголемо по победата во четврт-финалето над Венецуела, но сеуште тешко е да се одговори на кое било од овие прашања. Дали играта против Венецуела е најдобра за нив на Копа досега? Да, но тоа не е доволно за да се мине Бразил.
Лионел Скалони веројатно ќе се држи до системот што го користеше во последните неколку натпревари, со тесно поставен, но флексибилен тим.
Средниот ред на Аргентина е премногу дефанзивен
Единствената загриженост ќе биде дефанзивната улога во средината на теренот: Родриго де Паул и Маркос Акуња се големи работници, но во суштина работат исклучиво деструктивно и воопшто не се корисни во офанзива. Дури и Леандро Паредес кој е поставен во центарот е подобар во дефанзива. Последните четири, исто така, може да очекуваат многу повеќе работа отколку против Катар или Венецуела. Прашањето за Меси е сеуште отворено, а сега ќе има повеќе внимание на него. Тој беше невообичаено тивок во саботата. Неколку ветувачки потези тој ги расипа со тешки допири – но тој сепак е човек! Затоа тука беше Лаутаро Мартинез, кој претставуваше најголема закана. Но, Меси веќе има четири гола зад неговото име против Бразил и ќе биде особено мотивиран на натпреварот.
Скалони досега без план, а Тите е неверојатен тактичар
Бразил допрва треба да го прикаже најдоброто. Два од нивните натпревари завршија без голови, а победите над Боливија (3:0) и Перу (5:0) не беа толку импресивни колку што сугерираат резултатите. Тие лесно можеа да го декласираат Парагвај со два или три гола. Но веројатно тие играат тешко против противниците кои се повлечени и поставени длабоко на својата половина.
Аргентина веројатно нема да го стори тоа. Тие немаат дефанзивна стабилност, како за почеток. Донекаде може да се добие стабилност со Николас Отаменди, но Хуан Фојт не е навистина десен бек, а и позиционирањето на Паредес може да биде сомнително. Аргентинците не се доволно дуплирани за да можат да го задржат Бразил, што најверојатно значи дека ќе го нападнат.
Тогаш, прашањето може да биде дали Аргентина може да се носи 90 минути против Бразил во двата правци. Со само 10 примени голови во 40 натпревари под водство на Тите, тешко дека Аргентина ќе може да го стори тоа. Впрочем, екипата на Скалони ретко играше на начин што сугерира дека имаат соодветен план. Често се чека на индивидуална инспирација, која може да функционира но не секогаш.
Наш предлог:
Be the first to comment