Групата Б е една од најинтересните сезонава во Лигата на Шампиони. Секое коло ќе ни донесе по еден дерби меч во оваа група , а неизвесноста би требало да ја има до самиот крај, особено за втората позиција на табелата.
ГРУПА Б
Барселона е фаворит, но нема да биде изненадување доколку не заврши на лидерската позиција во оваа група на смртта. Барса секогаш оди на титула без разлика во кое натпреварување, па така е и сега. Сезоната во Ла Лига за оваа екипа тргна одлично и ако успејат тие резултати да ги пренесат во Лигата на Шампиони, тешко дека ќе се најде екипа во групната фаза која ќе може да ги сопре. Битката за втората позиција ќе биде помеѓу Тотенхем и Интер, но многу поблиску до тоа толку посакувано второ место е англискиот тим.
Интер се враќа во Лига на Шампиони по пауза од седум години. Сега имаат мотив и сакаат да докажат дека местото им е во европската елита. Ќе имаат одлична шанса за такво нешто, бидејќи секој освоен бод во оваа група ќе биде потврда за такво нешто. Тотенхем пак сака конечно резултатите од Премиер Лигата да ги пренесе во Лигата на Шампиони, но ќе има тешка задача откако не тргна најдобро во домашниот шампионат.
ПСВ е големиот аутсајдер во групата и секој освоен бод за оваа екипа ќе биде успех сам по себе. Секое коло во оваа група ќе ни донесе ново дерби, но веројатно одлучувачките дуели ќе бидат оние меѓу Интер и Тотенхем во битката за втората позиција.
Be the first to comment