Во А групата играат Атлетико, Дортмунд, Монако и Бриж. Атлетико е фаворит, но Дортмунд е многу блиску до него. Сепак тука е и Монако, кој знае да изненади кога најмалку се очекува. Тоа е гаранција за интересни дуели во оваа група.
ГРУПА А
Атлетико Мадрид е фаворит и би требало да заврши на лидерското место во оваа група. Но нема да има лесна задача оваа екипа предводена од Симеоне. Почетокот на сезоната покажа многу слабости во Атлетико Мадрид, но Симеоне не се откажува од својата цел, а тоа е финале во Лигата на Шампиони. Веројатно тоа делува преамбициозно, но Атлетико Мадрид е актуелен освојувач на Лигата на Европа, а тој успех сака да го пренесе во најквалитетното европско клубско натпреварување.
Дортмунд е втор фаворит во групата но тоа ќе треба да го потврди на дуелите против Монако. Францускио тим си има свои амбиции, но тие тргнаа катастрофално во Лига 1, каде имаат само една победа по првите пет кола. Со таква игра тешко дека ќе можат да се носат со Атлетико и Дортмунд, но од Монако секогаш треба да се очекува некакво чудо.
Дербито Дортмунд – Атлетико веојатно ќе го даде лидерот, но тешко е да се предвиди која екипа ќе биде втора или трета. Бриж е аутсајдер, но може да откине некој бод од фаворитите. Тимот кој евентуално нема да слави против Бриж, не треба да очекува пласман во следната фаза.
Be the first to comment