Денешната понуда изобилува со натпревари, а ние за вас решивме да издвоивме еден натпревар од италијанската Серија А каде што во 20:45 часот ќе се сретнат екипите на Сасуоло и Јувентус.
Сасуоло повторно игра просечно
Општиот впечаток за Сасуоло на самиот почеток од оваа сезона е дека тимот игра доста променливо и се уште се труди да влези во посакуваната форма. Најдобар доказ за тоа се нивните шарени резултати досега. По три изиграни првенствени кола тие имаат освоено четири бода, што е некој нивни класичен просек, додека во националниот куп се снајдоа одлично и веќе успеаа да елиминираат два ривали. Сепак, на овој меч пред себе имаат далеку посериозен испит бидејќи им гостува гигант кој влегува со огромни амбиции и без право на кикс.
Јувентус еден од главните конкуренти за Скудето!?
Јувентус оваа сезона ќе мора да се задоволи со учество во Лига Европа бидејќи минатата година не успеа да избори пласман во елитната Лига на шампиони. Токму поради тоа, сите нивни амбиции оваа година се насочени кон Скудетото и враќање на шампионскиот пехар во Торино, а искрено кажано, составот што го имаат на располагање дефинитивно поседува квалитет за такви големи работи. Новата сезона ја отворија со две победи, а во последното коло запишаа сосема очекувано реми на дербито против Милан, па во одлична атмосфера заминуваат на ова гостување.
Очекување
Разликата дефинитивно е голема во индивидуалците, тимот и се останато, а сето тоа укажува на фактот дека гостите се многу поблиску до трите бода, а искрено ние очекуваме дека ќе победат без поголеми проблеми.
Be the first to comment