Групата Ц е веројатно најинтересната од сите групи сезонава во Лигата на Шампиони. Три од четирите екипи во оваа група се и меѓу фаворитите за шампионскиот трофеј. Секое коло ќе има по еден дерби меч и секој меч може да се покаже како одлучувачки за крајниот расплет во групата.
ГРУПА Ц
Тешко е да се предвиди исходот во оваа група. Веројатно се знаат сите патници во елиминациите, во Лигата на Шампиони па и во Лигата на Европа со оглед на тоа што Црвена Звезда е тотален аутсајдер. Но како ќе бидат распоредени екипите на првите три позиции е речиси невозможно да се предвиди. ПСЖ е фаворит и би требало со сигурност да обезбеди пласман на една од првите две позиции на табелата, но нема да биде којзнае колкаво изненадување доколку се случи дебакл на овој тим. Ливерпул е вториот фаворит, а Наполи трет фаворит во оваа група. Но тоа е само на хартија и не би требало да значи ништо. Во секое коло ќе гледаме по еден дерби меч во оваа група и секое коло ќе биде приказна само по себе. Неизвесноста би требало да ја има до самиот крај на групната фаза.
Можеби одлучувачките дуели ќе бидат оние помеѓу Ливерпул и Наполи, но само доколку ПСЖ ја оправда фаворитската улога.
Црвена Звезда немаше среќа на жрепката. По многу години оваа екипа се враќа во европската елита и се најде во најтшката група. Во секое коло Маракана ќе биде полна, ќе се следат неверојатни натпревари, но реално е да се каже дека секој освоен бод на оваа екипа ќе биде премија за нив, а од друга страна големо разочарување за противникот.
Be the first to comment