Во среда очите на македонската фудбалска јавност ќе бидат вперени кон Австрија, кон дуелот Салзбург – Шкендија во рамките на третото квалификациско коло од Лигата на Шампиони. Салзбург е огромен фаворит на овој меч, но тоа ќе треба да го потврди и на терен.
Воиграноста на Шкендија е беспрекорна
Шкендија дефинитивно е најквалитетното од Македонија. Сезонава далеку поквалитетна екипа од Вардар и веројатно на рамниште на Вардар од минатата година кога скопскиот тим играше во групите на Лигата на Европа. Иако останаа без капитенот Хасани, во тимот дојдоа неколку засилувања па отсуството на Хасани не би требало да претставува голем проблем. Воиграноста е беспрекорна, а тоа најдобро се виде на натпреварите против ТНС и Шеиф Тираспол во предходните две кола. Ако против ТНС, Шкендија беше фаворит, против Шериф беше голем аутсајдер но сосема заслужено се најде во следното коло. За разлика од минатите сезони кога Шкендија се мачеше да состави добра четворка во одбраната, сега одбраната доби на цврстина и сигурност. Тоа е голем плус за оој тим сезонава, а особено пред дуелот со огромниот фаворит Салзбург.
Контрите и Бесарт Ибраими најголема закана за австријците
Се знае кој е кој на овој меч. Без разлика што тренерот на Шкендија, Османи најавува дека неговиот тим ќе ја игра својата препознатлица игра, јасно е дека тоа нема да биде баш така на теренот во Австрија. Се очекува Шкендија да одигра многу подефанзивно, од тоа на што сме навикнати да ја гледаме. Тоа не значи дека Шкендија нема да размислува на напад. Но дефинитивно својата шанса ќе ја чека на контра напади. Реално, според квалитетот тоа е и единствената шанса на македонскиот шампион на овој меч, покрај прекините. Можеби најголемата закана кон голот на Салзбург ќе бидат прекините пред нивниот гол, од каде Бесарт Ибраими ретко кога ја промашува целта. Затоа Шкендија ќе игра на контакт игра пред противничкиот шеснаесеттик. Но Салзбург ќе внимава и ќе се обидува без прекршок да ја освојува топката.
Салзбург е неприкосновен во Австрија
Салзбург е неприкосновен во Австрија. Се работи за екипа која негува офанзивен фудбал и која доминира во домашниот шампионат во последните пет сезони. Во сите нив успеа да ја освои титулата и тоа со огромна предност пред ривали како Австрија и Рапид Виена. Први имиња во ростерот се двата Камерунци од средниот ред, Амаду Хаидара и Диадие Самасеку. Добро за Шкендија е што Хаидара нема да игра на првиот меч поради суспензија. Тука е и голгетерот од Израел, Моан Дабур, кој беше најдобар стрелец во сите натпреварувања минатата сезона. Доаѓањето на Марко Розе на клупата на австрискиот гигант донесе историска сезона во која беше изборено прво полуфинале во Лига Европа. Во борбата за финалето, Салцбург загуби од Олимпик Марсеј и тоа по продолженијата, откако и двата меча завршија со идентични 2:0.
Розе со огромни проблеми во играчкиот кадар
Тренерот на Салзбург, Марк Розе се соочува со сериозни проблеми со повредени играчи. Извесно е дека овој меч ќе го пропуштат Патрик Фаркаш, како и норвешкиот голгетер Фредерик Гулбрандсен, додека под знак прашалник се германските интернационалци Велке и Лудевик, Јапонецот Окугава, Швајцарецот Кон, како и домашните фудбалери Лајнер и Литгеб. Најголем проблем ќе биде отсуството на одличниот Амаду Хаидара, кој е суспендиран поради црвениот картон заработен во полуфиналето од Лигата на Европа против Олимпик Марсеј минатата сезона.
Што се однесува до играчкиот кадар на нашиот шампион, Османи за Австрија отпатува со најдобрите фудбалери. Единствено ќе отсуствува Марјан Радевски, кој пред еден месец се здоби со сериозна повреда на коленото и надвор од терените ќе биде најмалку шест месеци.
Во секој случај, Салзбург е огромен фаворит
Коефициентите за овој меч се сосема очекувани, па донекаде и реални. Колку голем фаворит е Салзбург покажува коефициентот од 1.10 за нивна победа во Unibet. За победа на Шкендија пак коефициентот е дури 23.00 во истата обложувалница. За нерешен резултат коефициентот е 9.00. Доколку се обложите дека Салзбург ќе помине во следната рунда ќе добиете коефициент 1.03, додека ако се обложите на Шкендија коефициентот е 14.00 во Unibet.
Наш предлог:
Be the first to comment