Фрлајќи поглед на новите коефициенти на букмејкерите, кога во прашање се најдобрите стрелци во Премиер Лигата, дојдовме до заклучок дека има големи промеи во однос на коефициентите пред почетокот на сезоната. Поминаа 11 кола во Премиер Лигата сезонава и за разлика од битката за титулата, битката за најдобар стрелец е далеку понеизвесна.
Како што се очекуваше, на врвот е Хари Кејн кој ги предводи голгетерите, постигнувајќи осум гола и покрај тоа што имаше лош период во месец август.
Манчестер Сити постигнува голови како за забава – нивниот вкупен број од 38 гола досега е неверојатен. Тие имаат 15 голови повеќе од второпласираниот Манчестер Јунајтед и двојно повеќе од шампионот Челзи. Серхио Агуеро ја предводи екипата со ист број на голови како и Хари Кејн.
Додека овие двајца се со најмал коефициент во обложувалниците за тоа кој ќе биде најдобар стрелец, зад нив има сериозни напаѓачки имиња што никој не треба да ги отпише: Ромелу Лукаку, Алваро Мората или Габриел Хесус. Ова трио има постигнато седум гола како и Салах од Ливерпул и уште еден напаѓач на Сити, Стерлинг. Зачудувачки, уште едно име на Сити се појавува по Стерлинг – Лерој Сане кој има шест постигнати гола. Џејми Варди и Лаказет ја заокружуваат листата на најдобри стрелци досега со по шест гола.
Најдобри стрелци по 11-то коло во Премиер Лигата
- Хари Кејн – Осум гола – коефициент 2.75
- Серхио Агуеро – Осум гола – коефициент 5.00
- Ромелу Лукаку – Седум гола – коефициент 6.50
- Габриел Хесус – Седум гола – коефициент 7.00
- Алваро Мората – Седум гола – коефициент 10.00
- Салах – Седум гола – коефициент 34.00
- Рахем Стерлинг – Седум гола – коефициент 34.00
- Александар Лаказет – Шест гола – коефициент 26.00
- Лерој Сане – Шест гола – коефициент 51.00
- Џејми Варди – Шест гола – коефициент 41.00
Хесус може да ги надмине неговите соиграчи
Ако се решите да се обложите на најдобар стрелец во Премиер Лигата, треба добро да размислите на кој фудбалер ќе ги вложите вашите пари. Очигледна појдовна точка за сите во моментов е екипата на Манчестер Сити.
Шеикот Мансур има веројатно најголемо богатство од сите фудбалски газди во Англија. Тоа добро го искористи Гвардиола и си купи напаѓачи по свој вкус и не погреши. Сега веројатно најголемиот проблем на Пеп е размислувањето на тоа дали ротира соодветно. Ниту еден од најдобрите стрелци на Сити не започнал на сите натпревари. Ова пак не е случај кај другите екипи. Се чини дека доколку Сити немаше толку фудбалери за ротација, уште сега ќе се надзираше најдобриот голгетер. Како игра Сити, многу веројатно е дека Пеп полека вниманието ќе го префрла на Лигата на Шампиони и ќе се потпре на уште поголеми ротации. Според тоа ако се обложите на фудбалер на Сити ќе треба да поминете многу време во нервози бидејќи вашиот фаворит на многу дуели ќе го гледате на клупата. Факт е дека вашиот фаворит во овој случај, ќе има многу помала минутажа од своите конкуренти.
Сепак доколку се одлучите за фудбалер на Сити, нашиот предлог би бил Габриел Хесус. Агуеро е одличен и неколку сезони е секогаш во врвот на листата на стрелци. Но тој досега одигра само 4 минути повеќе од бразилскиот колега во нападот. Хесус од меч во меч влегува во се подобра форма и веројатно ќе го надмине својот колега. Освен тоа, коефициентот за Хесус е попримамлив – 7.00 и е вреден за ризикување.
Но, што е со “средниот ред” на Сити? Стерлинг и Сане имаат и неверојатни бројки досега, но букмејкерите не веруваат во нив. Не веруваме ни ние и мислиме дека и покрај високите коефициенти, парите потрошени на нив и биле залудни.
Мората е вистинскиот човек
Лидер според букмејкерите е Кејн и обложување на него би било “win only”. Како неоспорен прв напаѓач во Тотенхем, игра премногу и веројатно има највеќе натпревари во своите нозе од сите конкуренти. Затоа и често знае да влезе во голгетерска криза, но тоа не го спречи да биде најдобар стрелец во лигата последните две сезони. Според тоа облог на него секогаш е вреден за размислување и со големи шанси за добивка.
Лукаку ја започна сезоната во добра форма, во просек постигнувајќи гол по натпревар низ првите седум натпревари. Во тие моменти букмејкерите се уплашија и го намалија коефициентот за него на 3.70. Но, тој сега е во серија од четири натпревари без гол па коефициентот повторно порасна на 6.50.
Менаџерот на Челзи, Антонио Конте не е премногу среќен сезонава и неговиот тим претрпе неколку лоши резултати во последниот месец, но тоа не го запре Мората да постигнува голови. Седумте голови на шпанецот се еднакви на тие на Лукаку, но Мората помина значително помалку време во игра. Јасно е дека тој сеуште се адапртира во својот нов клуб и ќе добива се поголема минутажа, а кога покрај себе има играч како Еден Хазард кој постојано го снабдува со одлични топки, нема да има премногу тешка задача да ги сместува во противничката мрежа.
Еден гол зад Мората е големото летно потпишување на Арсенал, Александар Лаказет. Французинот само еднаш играше цели 90 минути во Премиер лигата и покрај тоа што воопшто не играше во Лигата на Европа. Пристапот на Арсен Венгер кон Лаказет е малку чуден, но досега функционира. Ако Лаказет добие поголема минутажа, може лесно да се најде при врвот на најдобри стрелци.
Следни на листата на најдобри стрелци досега се Салах и Варди, но според нас тие не се вистинска конкуренција сезонава за останатите.
Наш предлог:
Алваро Мората @ 10.00 во Бет365
1 Trackback / Pingback