Викендов стартува новата сезона во шпанската Ла Лига. Реал Мадрид е фаворит за трофејот и оваа сезона, но дефинитивно ќе следиме доста неизвесност околу местата кои ќе водат во Лигата на Шампиони следната година, бидејќи сезонава шест екипи ќе се борат за едно од првите четири места на табелата.
- 18.08. 20:15 Леганес – Алавес
- 18.08. 22:15 Валенсија – Лас Палмас
- 19.08. 18:15 Селта – Реал Сосиедат
- 19.08. 20:15 Гирона – Атлетико Мадрид
- 19.08. 22:15 Севиља – Еспањол
- 20.08. 18:15 Алтетик Билбао – Гетафе
- 20.08. 20:15 Барселона – Бетис
- 20.08. 22:15 Ла Коруња – Реал Мадрид
- 21.08. 20:15 Леванте – Виљареал
- 21.08. 22:00 Малага – Еибар
ЛЕГАНЕС – АЛАВЕС
Сезоната во шпанската Ла Лига ќе ја отворат Леганес и Алавас. И двете екипи се речиси исти од минатата сезона, без некои позначајни засилувања во текот на летниот преоден рок па тешко е да се предвиди победникот на овој меч. Алавес минатата сезона беше најпријатно изненадување во лигата завршувајќи на 9-то место, додека Леганес едвај се спаси од испаѓање и беше 17-ти. Ако се суди според подготвителниот период, тогаш Алавес е во подобра форма, додека единствената предност на Леганес е домашниот терен. Сепак традицијата вели дека овие две екипи играат ефикасни мечеви и овој пат ќе се ослониме на тој податок.
Двете екипи да постигнат гол @ 2.20
ВАЛЕНСИЈА – ЛАС ПАЛМАС
Валенсија е домаќин на Лас Палмас во вториот петочен термин. Домаќинот се надева дека ќе има далеку поуспешна сезона од минатата кога беше најголемо разочарување. Сепак иако имаше најави за големи засилувања тоа не се случи и тренерот Марселињо ќе има тешка задача да го подобри тимот. На овој меч домаќинот ќе биде без Нани и Гарај кои се повредени. Лас Палмас пак успеа да го зачува тимот од минатата сезона, па дури и да го засили па амбициите сезонава им се пласман во првата половина од табелата. Оваа екипа игра напаѓачки фудбал, минатата сезона на два пати славеше над Валенсија и се надева на победнички старт.
Двете екипи да постигнат гол @ 1.65
СЕЛТА – РЕАЛ СОСИЕДАТ
Селта и Реал Сосиедат играа меѓусебе во последното коло минатата сезона и повторно заедно ќе ја стартуваат новата сезона. Слично како и останатите и овие две екипи не беа активни во преодниот рок. Сосиедат беше одличен минатата сезона завршувајќи на 7-то место и избори пласман во Лигата на Европа, но тоа ќе биде проблем сезонава бидејќи тимот не е доволно широк за да игра на повеќе фронтови. Иако е почеток на сезоната Сосиедат е во натпреварувачки ритам бидејќи одиградури 10 подготвителни мечеви во кои забележа 3 победи, 4 нерешени средби и 3 порази. Селта лани заврши на 13-то место и немаат големи амбиции сезонава но кога играат дома, можат да слават против било која екипа.
Да има повеќе од 2.5 гола @ 1.95
Победа на Сосиедат или реми @ 1.57
ГИРОНА – АТЛЕТИКО МАДРИД
Атл. Мадрид е голем фаворит на гостувањето кај новиот шпански прволигаш Гирона и очекува старт на првенството со 3 бода. Во летниот трансфер период Симеоне немаше многу работа, но го зачува истиот тим од минатата сезона и тоа ќе биде голема предност за него. Атлетико Мадрид се надева дека повторно ќе биде сериозен кандидат за титулата, а нивната предсезона беше беспрекорна, бидејќи успеаја да останат без пораз на шест натпревари. Од друга страна Гирона како нов прволигаш има за цел опстанок во лигата и според играчкиот кадар има реални шанси за тоа. Имено сопственик на овој тим е Пере Гвардиола кој е брат на Пеп Гвардиола кој од Манчестер Сити му прати дури 5 млади фудбалери на позајмица кој и тоа како го подигнаа квалитетот на екипата.
Победа на Атлетико Мадрид @ 1.45
Атл. Мадрид да победи и Гриезман да постигне гол @ 4.00
СЕВИЉА – ЕСПАЊОЛ
Во последниот саботен меч Севиља е домаќин на Еспањол кој летово добро пазареше и има високи амбиции сезонава, но нема да бидат незадоволни и со повторување на минатосезонскиот пласман кога завршија на 8-то место. И Севиља беше одлична во преодниот рок ангажирајќи ги Муриел од Сампдорија, Кјаерод Фенербахче, Нолито од Манчестер Сити, Банега од Интер и уште неколку фудбалери кој што го прават тимот конкурентен во битката за пласман во Лигата на Шампиони следната година, па затоа очекуваме да стартува во тој стил потенцирајќи ги високите амбиции.
Победа на Севиља @ 1.61
Двете екипи да постигнат гол @ 1.75
Победа на Севиља и двете екипи да постигнат гол @ 3.25
АТЛЕТИК БИЛБАО – ГЕТАФЕ
Во недела Атлетик Билбао ќе биде домаќин на Гетафе. Домаќините се далеку поквалитетен тим и имаат високи амбиции сезонава, додека целта на Гетафе е опстанок во лигата. Сепак Билбао се натпреварува и во Лигата на Европа и во овој меч влегува по тешкото гостување кај Панатинаикос и победата од 2:3 па тоа е доволна причина за да го избегнете овој меч на вашите ливчиња.
Победа на Атлетик Билбао @ 1.50
БАРСЕЛОНА – БЕТИС
Ослабената Барселона ја отвара сезоната на домашен терен против Бетис. Барса која сеуште нема пронајдено замена за Нејмар е апсолутен фаворит на овој меч. Екипата имаше доста разочарувања пред почетокот на сезоната, остана без Нејмар и на два пати загуби од Реал Мадрид во Суперкупот на Шпанија, па време е да се врати на победите. Бетис остана без својот најдобар играч Цебалос кој замина во Реал Мадрид, но парите од тој трансфер мудро ги инвестираше во неколку квалитетни фудбалери и сега е можеби и посилна од минатата сезона, но нема што да бара на гостувањето на Камп Ноу.
Победа на Барселона и Лионел Меси да постигне гол @ 3.40
ЛА КОРУЊА – РЕАЛ МАДРИД
Реал Мадрид пак сезоната ја стартува со гостување кај Ла Коруња. Реал тргна сезонава со нови две титули и тешко дека некој ќе го запре. Ја освои титулата во УЕФА Суперкупот во Скопје против Манчестер Јунајтед и во Суперкупот на Шпанија против Барселона, па тешко дека Ла Коруња ќе успее да остане непоразена. Се освен победа на Реал Мадрид ќе биде огромно изненадување, особено што на последните 14 средби меѓу овие две екипи Реал има 13 победи и едно реми.
Полувреме / крај 2-2 Реал Мадрид @ 1.83
ЛЕВАНТЕ – ВИЉАРЕАЛ
Новиот член на Ла Лига, Леванте каде летово потпиша македонскиот репрезентативец Енис Барди има за цел опстанок во лигата, додека Виљареал како по обичај оди кон излез во Европа и следната сезона. Леванте продаде некои од клучните фудбалери минатата сезона, но најде достојни замени за нив особено со ангажманот на Барди кој во преодниот рок беше најдобар фудбалер на тимот и прв стрелец, но за жал на овој меч поради повреда нема да може да им помогне на своите колеги. Виљареал кој минатата сезона заврши на 6-то место е уште посилен со ангажманот на неколку одлични фудбалери и е фаворит на овој меч. Сепак добро е да ги избегнете првите немечи на екипите кои штотуку се преселиле во повисок ранг на натпреварување.
Да паднат помалку од 2.5 гола @ 1.60
МАЛАГА – ЕИБАР
Во последниот дуел од првото коло играат Малага и Еибар во еден од најнеизвесните мечеви на стартот на Ла Лига, дуел кој би требало да го избегнете на вашите тикети. Двете екипи имаа разочарувачки преоден рок и останаа без некои од најдобрите фудбалери минатата сезона, па тешко е да се претпостави како ќе одиграат сезонава.
Да паднат помалку од 2.5 гола @ 1.67
Be the first to comment