Групата Х е една од најинтересните сезонава во Лигата на Шампиони. Јуве и Јунајтед ќе ги играат дерби дуелите од групата, но ништо помалку интересни ќе бидат и нивните мечеви против Валенсија.
ГРУПА Х
Јувентус или Манчестер Јунајтед ? Тешко дека може да се даде точен одговор на ова прашање, но ако мора да го кажеме нашиот фаворит, тоа секако е Јувантус. Јуве минатата сезона беше сопрев во четврт-финалето од Реал Мадрид, но сезонава сакаат да играат во финалето. Имаат искуство, имаат одличен и воигран тим. Впрочем, Јуве ги има сите предиспозиции за такво нешто. Манчестер Јунајтед пак не тргна според посакуваното оваа сезона во Премиер Лигата, но кога во прашање е Мурињо и европски натпревари, се е можно. Мурињо знае како да игра во Лигата на Шампиони, ги обожава елиминациските дуели и би требало да се најде во таа фаза без разлика дали од првото или од третото место.
Валенсија е трет фаворит во групата. Иако оваа екипа може да им ги расипе плановите на фаворитите, тешко дека може да протурка до втората позиција. Валенсија сака да потсети на добрите времиња кога овој тим играше важна улога во Европа, но немаше среќа при жребот. Затоа пак, тие не би требало да имаат тешка зада да завршат трети и да одат во Лигата на Европа бидејќи четвртата екипа во оваа група Јанг Бојс е аутсајдер и заостанува зад сите екипи во групата.
Be the first to comment