Вулверхемптон ја прекина црната низа која стартуваше уште пред Божиќниот период, но сега игра против Ливерпул во доста незгоден момент за нив. Црвените не знаат за пораз, а не примаат ниту голови. Клоп сака рекорди, а за такво нешто му се потребни уште победи.
Вулвс конечно се врати на победите
Волците можат да му се заблагодарат на импресивниот Раул Хименез за неговите два гола кај Саутемптон во саботата. Не само затоа што тие два гола за нив значеа дополнителни три поени, туку затоа што Волците ризикуваа да ја фрлат во вода целата своја макотрпна работа од пред Божиќ.
Откако го победија Манчестер Сити со 3:2 на домашен терен, тие останаа пет натпревари без победа и затоа се појави мало сомневање дека тимот нема толкав капацитет како што покажуваше табелата. Реално, нив ги стигна и заморот бидејќи тие започнаа со сезоната три недели порано од останатите.
Сепак се чини дека овој тежок Божиќен период е зад нив. Тие губеа со 2:0, но смогнаа сили и за едно полувреме направија целосен пресврт кај Саутемптон, а тој втор дел може да им биде поука за продолжување на сезоната. Можеби овој меч со Ливерпул доаѓа во тежок период за нив, но кога се игра против црвените не можете да очекувате добар период.
Нападот одличен, одбраната прецизна до совршенство
Некои моменти што Ливерпул ги направи против Манчестер Јунајтед, не беа за пофалба и беа невообичаени за нив оваа сезона. Брзината и енергијата што секој играч ја имаше во враќање на на својата половина откако ќе ја загубеа топката не беше на потребното ниво. Против Вулвс и Траоре, фудбалерите на Ливерпул ќе мораат да бидат поагилни и енергични во тие ситуации.
Тоа се моменти во играта што Јирген Клоп во текот на изминатите неколку години ги донесе на ниво на скоро совршенство. Подобрите екипи од Јунајтед ќе го натераат Ливерпул да плати поради тие моменти, но Вулвс веројатно не е една од нив.
Сепак, последен пат Ливерпул прими гол на почетокот на Декември, а од тогаш тие одиграа седум меча во Премиер Лигата, што значи дека одбраната им е совршена.
Единствено нејасно е колку е Клоп доволно удобен со своето водство на врвот на табелата за конечно да одмори неки од фудбалерите кои го носат целиот терет ела сезона како Мане, Хендерсон, Вајналдум, Арнолд … Би требало да очекуваме одмор за некои од нив, но тоа ќе се случи веројатно после овој меч.
Be the first to comment