По четврти пат оваа сезона, двата гиганти на Калчото – Интер и Јувентус играат еден меѓу друг, овој пат во финалето на Купот на Италија, на стадионот Олимпико во Рим.
Повторувајќи го децениското ривалство, Нероаѕурите и Бјанконерите ќе ги насочат погледите кон нивното најново Дерби д’Италија, кое е само трето финале во историјата помеѓу двете најуспешни екипи во Серија А.
Јуве ги освои двата претходни финалиња против Интер, но последниот беше во 1965 година и тие пред неколку недели беа поразени од Интер во Серија А.
Единствена можност за трофеј на Јуве оваа сезона
Пред околу 12 месеци, Федерико Киеза одигра клучна улога во победата над Аталанта која му помогна на Јувентус да ја подигне рекордната 14-та титула во Копа Италија, обезбедувајќи одредена утеха поради тоа што Интер стана шампион на лигата по речиси една деценија доминација на Јуве.
Наоѓајќи се на четвртото место во Серија А, избраниците на Алегри се сопнаа неколку пати оваа сезона и иако нивниот прв судир со Интер во Октомври заврши нерешено 1:1, Интер потоа уживаше во слатка одмазда на почетокот на оваа година славејќи со 2:1 во Супер купот.
Оттогаш Алегри наметна одреден авторитет врз екипата, што им помогна во серијата од 16 домашни натпревари без пораз, но тие уште еднаш беа поразени кога Интер отпатува во Торино минатиот месец. Тоа е дел од пошироката слика, во која Јувентус сезонава во дуелите со топ 4 екипи не се изнаигра.
Откако испадна од Лигата на шампионите од Виљареал, Јуве за првпат по една деценија може да ја заврши сезоната без трофеј ако не го освои Купот.
Интер во тешки битки за трофеи
Иако нивната потрага по второ последователно Скудето се чини дека ќе заврши со неуспех, Интер веќе освои еден трофеј оваа сезона и тие сега ќе сакаат да го дополнат својот успех во Суперкупот со трофеј и во Копа Италија.
Пред освојувањето на титулата минатата година, тие не успеаја да обезбедат ниту еден значаен трофеј од Светското клупско првенство во 2011 година.
Симоне Инзаги ќе биде очаен да ги докаже своите ингеренции, особено со оглед на киксовите на неговата екипа во трката за титулата.
Интер состави серија од осум победи пред да го подигне Суперкупот на почетокот на Јануари, во време кога уживаа во предност од 11 бодови пред Јувентус и беа на врвот на табелата пред Милан, кој неодамна го елиминираа во полуфиналето на Купот на Италија.
Оттогаш, сепак, тие се сопнаа неколку пати и сега имаат два бода помалку од Милан, со само два натпревари до крајот.
Тимски новости: Јувентус
Киеза кој беше човек на одлука во минатото Куп финале на Јуве, нема д аигра на овој меч, а поради повреда нема да настапат ниту Де Шиљо и МекКени, а Данило се жали на ситна повреда, но веројатно ќе игра. Сепак, Алегри има доволно широк ростер, а веќе се навикна д аигра без Киеза во офанзивата и повредите не би требало да бидат проблем.
Јуве ќе користи формација 4-2-3-1: Матија Перин, Данило, Матијс де Лигт, Џорџо Киелини, Алекс Сандро; Денис Закарија, Адриен Рабиот; Хуан Куадрадо, Пауло Дибала, Алваро Мората; Душан Влаховиќ.
Тимски новости: Интер
Единствен проблем на Инзаги пред овој натпревар е повредата на Бастони кој нема да настапи на овој натпревар. Поголем проблем од неговото неиграње, може да биде заморот. Интер немаше можност да ротира со составот како што тоа го направи Јуве минатиот викенд и нивната свежина ќе биде на ниско ниво.
Инзаги ќенастапи со стандардната за него формација 3-5-2: Самир Хандановиќ; Милан Шкриниар, Стефан де Вриј, Димарко; Дензел Дамфрис, Николо Барела, Марсело Брозовиќ, Хакан Чалханоглу, Иван Перишиќ; Един Џеко, Лаутаро Мартинез.
Очекување:
Интер сезонава изгледа подобро од Јуве, но кога во прашање е Дербито на Италија, моменталната или сезонската форма немаат речиси никакво влијание. Би требало да следиме еден крајно израмнет натпревар во кој ќе одлучуваат мали нијанси и во кој нема да гледаме премногу голови.
Be the first to comment